ລັດວິສະຫະກິດ ໄຟຟ້າລາວ ມອບເຄື່ອງ ຊ່ວຍເຫຼືອ ແຂວງອຸດົມໄຊ

ໃນຕອນເຊົ້າຂອງວັນທີ 12 ຕຸລາ 2018  ທ່ານ ບຸນມາ ມະນີວົງ ຮອງອຳນວຍການໃຫຍ່ ລັດວິສະຫະກິດໄຟຟ້າລາວ ພ້ອມດ້ວຍຄະນະ, ພະນັກງານ ລັດວິສະຫະກິດໄຟຟ້າລາວ ສາຂາແຂວງອຸດົມໄຊ ເຂົ້າພົບ ທ່ານ ປອ ຄຳພັນ ເຜີຍຍະວົງ ເລຂາພັກແຂວງ ເຈົ້າແຂວງໆ ອຸດົມໄຊ ເພື່ອລາຍງານສະພາບ ການເຄື່ອນໄຫວ ຂອງລັດວິສະຫະກິດໄຟຟ້າລາວ ແລະ ການຊ່ວຍເຫຼືອ ຜູ້ປະສົບໄພພິບັດຢູ່ລາວ ຂອງລັດວິສະຫະກິດໄຟຟ້າລາວ ໃນໄລຍະຜ່ານມາ ແລະ ຮັບຟັງການລາຍງາຍງານ ຂອງຄະນະຮັບຜິຊອບໄພພິບັດ ຂັ້ນເມືອງ ຄື: ເມືອງຫຼ້າ, ເມືອງແບງ ແລະ ເມືອງປາກແບງ ຈາກນັ້ນລັດວິສະຫະກິດໄຟຟ້າລາວ ກໍ່ໄດ້ມອບເຄື່ອງຊ່ວຍເຫຼືອ ໃຫ້ທັງ 3 ເມືອງທີ່ຖືກໄພພິບັດ ຢູ່ແຂວງອຸດົມໄຊ   ຕ່າງໜ້າມອບໂດຍ ທ່ານ ບຸນມາ ມະນີວົງ ຮອງອຳນວຍການໃຫຍ່ ລັດວິສະຫະກິດໄຟຟ້າລາວ ພ້ອມດ້ວຍຄະນະ, ພະນັກງານລັດວິສະຫະກິດ ໄຟຟ້າລາວ ສາຂາແຂວງອຸດົມໄຊ ແລະ ເປັນກຽດຮັບໂດຍ ການນຳທັງ3ເມືອງຄື: ເມືອງຫຼ້າ, ເມືອງແບງ ແລະ ເມືອງປາກແບງ ເຄື່ອງທີ່ມາມອບຄັ້ງນີ້ ແມ່ນມີເຄື່ອງນຸ່ງຮົ່ມ ແລະ ເງິນສົດ ເມືອງລະ 10.000.000 ກີບ, ເຂົ້າຮ່ວມເປັນສັກຄີພິຍານມີ ທ່ານ ປອ ຄຳພັນ ເຜີຍຍະວົງ ເລຂາພັກແຂວງ ເຈົ້າແຂວງໆອຸດົມໄຊ, ທ່ານ ວັນນາ ແກ້ວສັນຕິ ກຳມະການພັກແຂວງ ຫົວໜ້າຫ້ອງວ່າການແຂວງ ແລະ ຄະນະຮັບຜິດຊອບຕ້ານໄພພິບັດຂັ້ນແຂວງເຂົ້າຮ່ວມ.