ຄະນະຜູ້ແທນແຂວງດຽນບຽນ ຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ

ໃນວັນທີ 30 ຕຸລາ 2018 ຄະນະຜູ້ແທນຂັ້ນສູງແຂວງດຽນບຽນ ສສ ຫວຽດນາມ ຢ້ຽມຢາມ ແລະ ເຮັດວຽກ ຢູ່ແຂວງອຸດົມໄຊ ທີ່ຫ້ອງວ່າການແຂວງອຸດົມໄຊ  ເຊີງນໍາຄະນະໂດຍ ທ່ານ ງວາອາເຊີນ ຮອງເລຂາພັກແຂວງ ປະທານຄະນະປົກຄອງປະຊາຊົນແຂວງດຽນບຽນ ສສ ຫວຽດນາມ, ເປັນກຽດຕ້ອນຮັບໂດຍທ່ານ ຄໍາພຽງ ຢ່າຈົງວາ ຮອງເລຂາພັກແຂວງ, ຮອງເຈົ້າແຂວງໆ ອຸດົມໄຊ ສປປ ລາວ ຄະນະຜູ້ແທນທັງສອງຟຣາຍໄດ້ແຈ້ງສະພາບ ການພັດທະນາເສດຖະກິດຂອງຕົນໃຫ້ກັນ ແລະ ກັນຊາບ ເປັນຕົ້ນ ພູມສັນຖານ ທີ່ຕັ້ງ ຈຸດພິເສດຂອງສອງແຂວງ ເງືອນໄຂ ແລະ ທ່າແຮງໃນການພັດທະນາໃນດ້ານຕ່າງໆ ທັງຜູກແໜ້ນອ້າຍນ້ອງທັງສອງຝາຍເວົ້າລວມ ເວົ້າສະເພາະກໍ່ຄືສອງແຂວງໃຫ້ຢືນຢົງທະນົງແກ່ນ  ແລະ ສຶບຕໍ່ຈັດຕັ້ງປະຕິບັດບົດບັນທຶກຊ່ວຍຈຳທີ່ທັງສອງແຂວງໄດ້ເຊັນກັນມາໃຫ້ປະກົດຜົນເປັນຈິງ

ພ້ອມນີ້ທັງສອງຝ່າຍຍັງແລກປ່ຽນບົດຮຽນດ້ານການລົງທຶນຂອງບັນດາບໍລິສັດ ສຶກສາການເປັນໄປໄດ້ໃນການຂະຫຍາຍການລົງທຶນມາທີ່ແຂວງອຸດົມໄຊເປັນຕົ້ນແມ່ນ ການລ້ຽງງົວ, ປູກກາເຟ ແລະ ທາງດ້ານການທ່ອງທ່ຽວເພື່ອເຊື່ອມໂຍງທັງສອງແຂວງ ໂອ້ກາດນີ້ ທ່ານ ຄຳພຽງ ຢ່າຈົງວາ ຍັງເຊີນຊວນນັກທຸລະກິດ ຫວຽດນາມເຂົ້າມາລົງທຶນທີ່ແຂວງອຸດົມໄຊ ແລະ ທາງແຂວງອຸດົມໄຊ ພ້ອມທີ່ຈະອຳນວຍຄວາມສະດວກ ພ້ອມດຽວກັນນັ້ນຄະນະຜູ້ແທນຂອງດຽນບຽນ ຕີລາຄາສູງຕໍ່ການຕ້ອນຮັບ ແລະ ກອງປະຊຸມແລກປ່ຽນບົດຮຽນຄັ້ງນີ້ພ້ອມທີ່ຈະນຳເອົາບົດບັນທຶກຊ່ວຍຈຳທີ່ໄດ້ເຊັນກັນຜ່ານມາ ຈັດຕັ້ງປະຕິບັດໃຫ້ປະກົດຜົນເປັນຈິງ ແລະ ພ້ອມທີ່ຈະຊ່ວຍເຫຼືອຮອບດ້ານຕໍ່ກັບແຂວງອຸດົມໄຊ ໃນການມາເຮັດວຽກທີ່ແຂວງອຸດົມໄຊ ຄັ້ງນີ້ໄດ້ມອບເງິນຊ່ວຍເຫຼືອແຂວງອຸດົມໄຊ ເພື່ອເຂົ້າໃນການພັດທະນາເສດຖະກິດ-ສັງຄົມ ຈຳນວນ 4ຕື້ດົງ