ໄຂກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງອຸດົມໄຊ ຊຸດທີ I

ກອງປະຊຸມສະໄໝສາມັນເທື່ອທີ6 ຂອງສະພາປະຊາຊົນແຂວງອຸດົມໄຊ ຊຸດທີ 1 ໄດ້ໄຂຂື້ນຢ່າງເປັນທາງການໃນຕອນເຊົ້າວັນທີ 13 ກຸມພາ 2019 ທີ່ສະໂມສອນແຂວງ ໂດຍການເປັນປະທານຂອງທ່ານ ບຸນລອດ ອ່ອນພະຈັນ ຮອງເລຂາພັກແຂວງ ປະທານສະພາປະຊາຊົນແຂວງ, ໃຫ້ກຽດເຂົ້າຮ່ວມມີ ທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ມີການນໍາພັກ-ລັດຂອງແຂວງ, ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ, ພະແນກການ, ອົງການແລະແຂກເຊີນເຂົ້າຮ່ວມນຳ.
ທ່ານ ບຸນລອດ ອ່ອນພະຈັນ ຮອງເລຂາພັກແຂວງ ປະທານສະພາປະຊາຊົນແຂວງ ໄດ້ມີຄຳເຫັນກ່າວໄຂກອງປະຊຸມ, ກອງປະຊຸມເທື່ອນີ້ ຜູ້ແທນທີ່ເຂົ້າຮ່ວມຈະຮັບຟັງການລາຍງານຂອງທ່າານເຈົ້າແຂວງອຸດົມໄຊໂດຍສັງເຂບກ່ຽວກັບການຈັດຕັ້ງປະຕິບັດວຽກງານຂອງອົງການປົກຄອງແຂວງ ປະຈຳປີ 2018 ແລະ ທິດທາງແຜນການປີ 2019 ຂອງແຂວງອຸດົມໄຊ, ພ້ອມກັນ ພິຈາລະນາ ແລະ ຮັບຮອງເອົາການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງ ປະຈຳປີ 2018 ແລະ ທິດທາງແຜນການ ປີ 2019, ພິຈາລະນາ ແລະ ຮັບຮອງເອົາວຽກງານຂອງອົງການປົກຄອງແຂວງແລະອົງການກວດສອບປະຈຳພາກເໜືອ, ພິຈາລະນາ ແລະ ຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນການລົງທຶນຂອງລັດ ປະຈຳປີ 2018 ແລະ ທິດທາງແຜນການປີ 2019, ພິຈາລະນາ ແລະ ຮັບຮອງເອົາບົດລາຍງານການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2018 ແລະ ທິດທາງແຜນການ 2019, ພິຈາລະນາ ແລະ ຮັບຮອງເອົາບົດລາຍງານການເຄື່ອນໄຫວວຽກງານປະຈຳປີ 2018 ແລະ ທິດທາງແຜນການເຄື່ອນໄຫວປີ 2019 ຂອງອົງການກວດສອບປະຈຳພາກເໜືອ, ພິຈາລະນາ ແລະ ຮັບຮອງເອົາບົດລາຍງານຜົນການກວດກາຄືນໂຄງການນອກແຜນ ຕາມຜົນການກວດສອບ ສົກປີ 2015-2016 ຢູ່ແຂວງອຸດົມໄຊ, ພິຈາລະນາ ແລະ ຮັບຮອງເອົາບົດລາຍງານຜົນການແກ້ໄຂຕາມຜົນການກວດສອບ ປະຈຳສົກປີ 2015-2016, ພິຈາລະນາ ແລະ ຮັບຮອງເອົາການສະເໜີຂອງຄະນະປະຈຳສະພາປະຊາຊົນແຂວງອຸດົມໄຊ ກ່ຽວກັບການສະເໜີແຕ່ງຕັ້ງບຸກຄະລາກອນຂອງສະພາປະຊາຊົນ ແລະ ອົງການປົກຄອງແຂວງ, ຮັບຟັງການລາຍງານຂອງຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນແຂວງ ປະຈຳປີ 2018 ວິທີຟື້ນຟູໄລຍະສັ້ນ ແລະ ທິດທາງແຜນການ ປີ 2019, ຮັບຟັງການລາຍງານວຽກງານຈັດສັນພູມລຳເນົາ, ບ່ອນທຳມາຫາກິນຖາວອນ ແລະ ແກ້ໄຂຄວາມທຸກຍາກໃຫ້ປະຊາຊົນບັນດາເຜົ່າຢູ່ຈຸດສຸມຂອງແຂວງ ປະຈຳປີ 2018 ແລະ ທິດທາງແຜນການປີ 2019, ຮັບຟັງລາຍງານການແກ້ໄຂປະກົດການຫຍໍ້ທໍ້, ຫາງສຽງສັງຄົມ ການຄຸ້ມຄອງບໍລິການ ຮ້ານອາຫານ, ຮ້ານບັນເທີງແລະຕູ້ເກມ ປະຈຳປີ 2018 ແລະ ທິດ ທາງແຜນການປະຈຳປີ 2019, ພິຈາລະນາ ແລະ ຮັບຮອງເອົາບົດລາຍງານການຈັດຕັ້ງປະຕິບັດວຽກງານ ປະຈຳປີ 2018 ແລະ ທິດທາງແຜນການ ປະຈຳປີ 2019 ຂອງອົງການໄອຍະການປະຊາຊົນ ແລະ ສານປະຊາຊົນ ແຂວງອຸດົມໄຊ, ພິຈາລະນາ ແລະ ຮັບຮອງເອົາບົດລາຍງານຂອງກອງບັນຊາການ ປກສ ແຂວງ ກ່ຽວກັບການແກ້ໄຂຄະດີແລະຂອງກາງ, ຂໍ້ສະດວກ, ຂໍ້ຫຍຸ້ງຍາກ ແລະ ວິທີແກ້ໄຂ ສົກປີ 2019, ຮັບຟັງລາຍງານການເຄື່ອນໄຫວວຽກງານຂອງຄະນະປະຈຳສະພາປະຊາຊົນແຂວງ ປະຈຳປີ 2018 ແລະ ທີດທາງແຜນການປີ 2019, ຮັບຟັງບົດປະກອບຄຳເຫັນຂອງແນວລາວສ້າງຊາດ ຕໍ່ກັບການເຄື່ອນໄຫວຂອງສະພາປະຊາຊົນແຂວງ ແລະ ຮັບຟັງການປະກອບຄຳເຫັນຈາກ ສສຊ ແລະ ສສຂ ໃສ່ບັນດາບົດລາຍງານຕື່ມອີກ.
ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງອຸດົມໄຊ ຊຸດທີ I ຈະໄດ້ດຳເນີນເປັນເວລາ 3 ວັນ ເລີ່ມແຕ່ວັນທີ 13-15 ກຸມພາ ຈິ່ງສຳເລັດ