ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ກອງປະຊຸມອົງການປົກຄອງແຂວງຄັ້ງທີ 3ສະໄໝທີ VIII   ໄດ້ດຳເນີນໃນວັນທີ 30 ພະຈິກ 2016  ທີຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງອຸດົມໄຊ.  ພາຍໃຕ້ການເປັນປະທານຂອງ ທ່ານ ເພັດສາຄອນ ຫຼວງອາໄພ ເຈົ້າແຂວງ-ແຂວງອຸດົມໄຊ ແລະ  ມີບັນດາທ່ານຄະນະບໍລິຫານອົງການປົກຄອງແຂວງ,ເຈົ້າເມືອງ 7 ເມືອງ, ຫົວໜ້າ, ຮອງຫົວໜ້າພະແນກ, ອົງການທຽບເທົ່າ, ຄະນະນຳສອງກອງບັນຊາການທະຫານ-ຕຳຫຼວດ,  ລັດວິສາຫະກິດ, ເຊີ່ງມີຜູ້ແທນເຂົ້າຮ່ວມທັງໝົດ 47 ທ່ານ, ຍິງ 4  ທ່ານ.

ກອງປະຊຸມອົງການປົກຄອງແຂວງອຸດົມໄຊ ຄັ້ງທີ 3 ສະໄໝທີ VIII ໄດ້ປຶກສາຫາລືກ່ຽວກັບບັນຫາຕ່າງໆ ທີ່ຍົກຂຶ້ນໃນກອງປະຊຸມ, ປຶກສາຫາລືບາງບັນດາໜ້າວຽກທີ່ຕ້ອງໄດ້ສຸມໃສ່ການຈັດຕັ້ງປະຕິບັດໃນແຜນ 5 ປີຄັ້ງທີ 8 ສະໄໝທີ VIII ຂອງແຂວງອຸດົມໄຊ ກອງປະຊຸມໄດ້ຮັບຮອງເອົາແຜນດຳເນີນງານການຄຸ້ມຄອງ - ນຳໃຊ້ສະໝາມກິລາຂອງແຂວງ ແລະແຜນການກະກຽມນັກກິລາເຂົ້າຮ່ວມງານມະຫາກຳກິລາແຫ່ງຊາດຄັ້ງທີ XI ປີ 2018 ທີ່ແຂວງຊຽງຂວາງເປັນເຈົ້າພາບ; ເຫັນດີຮັບຮອງເອົາແຜນກຳນົດໃນການລ້ຽງງົວຢູ່ເມືອງຮຸນແຕ່ປີ 2017-2020, ພ້ອມກັນນັ້ນມອບໃຫ້ພະແນກກະສິກຳ ແລະ ປ່າໄມ້, ພະແນກອຸດສາຫະກະກຳ ແລະ ການຄ້າ ລົງສົມທົບໃນການຈັດຕັ້ງສະມາຄົມລ້ຽງງົວຂອງເມືອງ, ກຸ່ມລ້ຽງງົວ ແລະວຽກງານສາມສ້າງຂອງແຂວງອຸດົມໄຊ 5 ປີ (2016-2020)

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com