ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ພາຍຫຼັງດໍາເນີນມາເປັນເວລາ 5 ວັນ ຕັ້ງແຕ່ວັນທີ 1-7 ມິຖຸນາ ກອງປະຊຸມດໍາ ເນີນຊີວິດການ ເມືອງປັບປຸງປົວແປງພາຍໃນພັກ ທົ່ວອົງຄະນະພັກແຂວງ ກໍໄດ້ອັດລົງໃນຕອນແລງວັນທີ 7 ມິຖຸນາ 2017 ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊ ດ້ວຍຜົນສໍາເລັດຕາມລະດັບຄາດໝາຍ. ໂດຍໃຫ້ກຽດເຂົ້າຮ່ວມເປັນປະທານກອງປະຊຸມຄັ້ງນີ້ ແມ່ນທ່ານ ສຈ ປອ ກິແກ້ວ ໄຂຄຳພິທູນ ຄະນະເລຂາທິການສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກ, ມີທ່ານ ເພັດສາຄອນ ຫຼວງອາໄພ ກຳມະ ການສູນກາງພັກ,ເລຂາພັກແຂວງເຈົ້າແຂວງອຸດົມໄຊ,ມີບັນດາຄະນະປະຈຳພັກແຂວງ,ກຳ ມະການພັກແຂວງ,ເລຂາພັກເມືອງ,ເຈົ້າເມືອງ,ຫົວໜ້າພະແນກ,ອົງການຈັດຕັ້ງ,ສອງກອງບັນຊາການ ປກຊ ປກສ,ອົງການໄອຍະການ,ສານປະຊາຊົນແລະພາກສ່ວນທີ່ກ່ຽວຂ້ອງ ເຂົ້າຮ່ວມ.

 ກ່ອນຈະມີພິທີກ່າວປິດການດຳເນີນກອງປະຊຸມໃນຄັ້ງນີ້ ທ່ານ ວັນນາ ແກ້ວສັນຕິ ກໍາມະການພັກແຂວງ,ຫົວໜ້າຫ້ອງວ່າການປົກຄອງແຂວງ ໄດ້ຂຶ້ນຜ່ານບົດບັນທຶກກອງປະຊຸມ ໃນນັ້ນ ໄດ້ຍົກໃຫ້ເຫັນເຖິງກິດຈະກຳຫຼາຍຢ່າງທີ່ກອງປະຊຸມໄດ້ຈັດຕັ້ງ ເປັນຕົ້ນແມ່ນ ເຊື່ອມຊຶມເອກະສານທີ່ສຳຄັນຈຳນວນ ໜຶ່ງ,ທາບທາມຄວາມເຊື່ອໝັ້ນ,ໄວ້ວາງໃຈຕໍ່ກັບກຳມະການສູນກາງແລະກຳມະການສຳຮອງ ສະໄໝທີ່ X ຂອງສູນກາງພັກແລະຄະນະພັກ ຈໍ່ນວນ 47 ສະຫາຍ ເຊິ່ງໃນຈໍານວນຜູ້ເຂົ້າຮ່ວມທັງໝົດ 624 ສະຫາຍ ມີຜູ້ສົ່ງບັດ 550 ສະຫາຍ ແລະ ຜ່ານການນັບຕົວຈິງ ເຫັນວ່າ ສ່ວນຫຼາຍ ແມ່ນໄດ້ຮັບຄວາມໄວ້ວາງໃຈ. ພ້ອມດຽວກັນນັ້ນ ກອງປະຊຸມຍັງໄດ້ປະກອບຄໍາເຫັນຕໍານິຕິຊົມບຸກຄົນ,ຄະນະພັກແລະຄະນະນຳຂອງແຂວງ ສະໄໝທີ VIII ເຊິ່ງທັງໝົດແມ່ນສ່ອງແສງເຖິງຄວາມເປັນຈິງໃນການຊີ້ນຳ ນຳພາຢູ່ໃນແຕ່ລະຂົງເຂດ ເພື່ອລາຍງານຕໍ່ປະທານ ໃນການດຳເນີນຄຳຖາມເຈົ້າຈີ້ມຕໍ່ໄປ. ຈາກນັ້ນ ກໍໄດ້ມີການສໍາຫຼວດພາຍໃນຄະນະພັກ ແລະ ຄະນະນຳຂອງແຂວງ ພ້ອມທັງສຳຫຼວດຕົນເອງ ເຊິ່ງມີທັງໝົດ 46 ສະຫາຍ,ຍິງ 4 ສະຫາຍ ໃນການດຳເນີນການສຳຫຼວດຄັ້ງນີ້ ແມ່ນເລີ່ມຈາກຄະນະປະຈຳພັກແຂວງ ລົງມາ ເຊິ່ງຜ່ານການສຳຫຼວດແຕ່ລະຫະຫາຍແມ່ນມີຄວາມຈິງໃຈຕໍານິ ສົ່ງຂ່າວເຊິ່ງກັນແລະກັນ ຕາມຄວາມຮັບຜິດຊອບວຽກ ໂດຍລວມແລ້ວແມ່ນເວົ້າເຖິງ ແບບແຜນການນໍາພາ,ວິທີເຮັດວຽກ,ກົນໄກການປະສານງານ,ການແບ່ງຄວາມຮັບຜິດຊອບພາຍໃນພັກ,ຄະນະນຳຂອງແຂວງ,ການແບ່ງຂັ້ນຄຸ້ມຄອງຍັງມີຫຼາຍດ້ານບໍ່ຈະແຈ້ງ. ສະຫຼຸບລວມແລ້ວ ການດໍາເນີນກອງປະຊຸມດໍາເນີນຊີ ວິດການເມືອງປັບປຸງປົວແປງພັກ ທົ່ວອົງຄະນະພັກແຂວງອຸດົມໄຊ ໃນຄັ້ງນີ້ ກໍເພື່ອແນ່ໃສ່ປັບປຸງພາຍໃນຄະນະພັກ,ຄະນະນຳຂອງແຂວງ ໃຫ້ມີຄວາມປອດໃສ,ເຂັ້ມແຂງ,ໜັກແໜ້ນ,ສາມາດແບກຫາບພາ ລະກຳປະຫວັດສາດທີ່ສູນກາງພັກ ແລະ ປະຊາຊົນຊາວແຂວງອຸດົມໄຊ ມອບໝາຍໃຫ້ ຢ່າງມີຜົນສຳ ເລັດ. ຕອນທ້າຍຂອງການດຳເນີນກອງປະຊຸມ ທ່ານ ສຈ ປອ ກິແກ້ວ ໄຂຄຳພິທູນ ຄະນະເລຂາທິ ການສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກ ໄດ້ມີຄຳເຫັນໂອ້ລົມ ເພື່ອເປັນແນວທາງໃຫ້ແກ່ຄະນະພັກ,ຄະນະນຳຂອງແຂວງ ໃນການສືບຕໍ່ຈັດຕັ້ງປະຕິບັດວຽກງານຂອງຕົນຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ທິດທາງແຜນການຂອງແຂວງ ໃຫ້ສໍາເລັດຕາມລະດັບຄາດໝາຍ ພ້ອມທັງກ່າວປິດກອງປະຊຸມຢ່າງເປັນທາງການ.

ຫົວຂໍ້ທີ່ກ່ຽວຂ້ອງ

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com