ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ກອງປະຊຸມເປີດບັ້ນດໍາເນີນຊີວິດການເມືອງປັບປຸງປົວແປງພາຍໃນພັກທົ່ວແຂວງອຸດົມໄຊ ຈັດຂຶ້ນໃນອາທິດຜ່ານມາຢູ່ທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊໂດຍການເປັນປະທານຂອງທ່ານ ເພັດສາຄອນ ຫຼວງອາໄພກຳມະການສູນກາງພັກ, ເລຂາພັກແຂວງ, ເຈົ້າແຂວງອຸດົມໄຊ, ມີບັນດາຄະນະປະຈຳພັກແຂວງ,ກຳມະການພັກແຂວງ,ເລຂາພັກເມືອງເຈົ້າເມືອງຕະຫຼອດຮອດຄະນະພັກແຕ່ລະຂະແໜງການທົ່ວແຂວງເຂົ້າຮ່ວມ.

           ການດໍາເນີນກອງປະຊຸມຄັ້ງນີ້ກໍເພື່ອເສີມຂະຫຍາຍມູນເຊື້ອ,ຜົນງານດ້ານດີ,ແກ້ໄຂຈຸດບົກຜ່ອງຂອງພັກ,ສ້າງແລະຍົກລະດັບຄວາມສາມາດນຳພາຂອງພັກ,ຄວາມເປັນແບບຢ່າງນຳໜ້າຄະນະພັກແຕ່ລະຂັ້ນແລະສະມາຊິກພັກໂດຍຕິດພັນກັບການກວດກາຄືນຄວາມຮັບຮູ້, ເຂົ້າໃຈຕໍ່ແນວທາງນະໂຍບາຍຂອງພັກ ເປັນຕົ້ນແມ່ນມະຕິ X ຂອງພັກແລະມະຕິ VIII ຂອງແຂວງ, ສ້າງໃຫ້ມີການຫັ້ນປ່ຽນຕົວຈິງທາງດ້ານແນວຄິດ, ຄຸນສົມບັດ, ແບບແຜນການນຳພາແລະວິທີເຮັດວຽກ,ຄວາມຮັບຜິດຊອບຂອງຄະນະແລະສະມາຊິກພັກແຕ່ລະຂັ້ນ,ເພື່ອສ້າງຄວາມເປັນເອກະພາບແລະຄວາມຕັດສິໃຈສູງຂອງທົ່ວພັກໃນການກຳນົດທິດທາງ,ມາດຕະການແກ້ໄຂບັນຫາຕົວຈິງແຕ່ເທິງລົງລຸ່ມ. ສ່ວນເນື້ອໃນຕົ້ນຕໍຂອງການດຳເນີນຊີວິດການເມືອງປັບປຸງປົວແປງພັກທົ່ວແຂວງອຸດົມໄຊໃນຄັ້ງນີ້ ມີ 2 ເນື້ອໃນ ຄືຮໍາຮຽນ,ເຊື່ອມຊຶມເອກະສານສໍາຄັນຈໍານວນໜຶ່ງແລະສໍາຫຼວດຕີລາຄາຄວາມຮັບຜິດລວມຂອງຄະນະພັກ,ສຳຫຼວດບຸກຄົນໃນຄະນະພັກແລະສະມາຊິກເຊິ່ງບັນດາຄະນະພັກແຕ່ລະພາກສ່ວນທີ່ເຂົ້າຮ່ວມຈະໄດ້ຮຳຮຽນ,ເຊື່ອມຊຶມເອກສານ,ສຳຫຼວດຕີລາຄາຄືນກ່ຽວກັບຄວາມຮັບຜິດຊອບແລະການເຄື່ອນໄຫວວຽກງານພາຍໃນພັກຂອງຕົນພ້ອມທັງປະກອບຄຳເຫັນຕໍ່ກອງປະຊຸມເພື່ອເຮັດໃຫ້ການດຳເນີນ ກອງປະຊຸມໃນຄັ້ງນີ້ປະສົບຜົນສຳເລັດແລະໄດ້ຮັບເນື້ອໃຈໃຈຄວາມຕາມລະດັບຄາດຫມາຍທີ່ກຳນົດໄວ້. ສໍາລັບກອງປະຊຸມດໍາເນີນຊີວິດການເມືອງທົ່ວອົງຄະນະພັກແຂວງອຸດົມໄຊ ປະຈໍາ ປີ 2017 ແມ່ນໃຊ້ເວລາ 2 ວັນຈຶ່ງຈະສໍາເລັດ.

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com