ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ໃນໂອກາດທີ່ແຂວງອຸດົມໄຊ ດໍາເນີນກອງປະຊຸມ ຊີວິດການເມືອງປັບປຸງປົວແປງພາຍໃນພັກ ທົ່ວອົງຄະນະພັກແຂວງອຸດົມໄຊ ທີ່ໄດ້ຈັດຂຶ້ນໃນລະຫວ່າງວັນທີ 1 – 7 ເດືອນມິຖຸນາ 2017 ຢູ່ທີ່ສະໂມສອນໃຫຍ່ຂອງແຂວງ ໂດຍການເປັນປະທານ ຂອງທ່ານ ເພັດສາຄອນ ຫຼວງອາໄພ ກໍາມະການສູນກາງພັກ,ເລຂາພັກແຂວງ,ເຈົ້າແຂວງອຸດົມໄຊ ກອງປະຊຸມກໍໄດ້ສະຫຼຸບຕີລາຄາຄືນກ່ຽວກັບຄວາມຮັບຜິດຊອບລວມຂອງຄະນະບໍລິຫານງານພັກແຂວງ ໃນການຊີ້ນຳ ນໍາພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກແລະມະຕິກອງປະຊຸມໃຫຍ່ຄັ້ງທີ VIII ຂອງແຂວງອຸດົມໄຊ.

 

  ການສະຫຼຸບຕີລາຄາຄືນກ່ຽວກັບຄວາມຮັບຜິດຊອບລວມຂອງຄະນະບໍລິຫານງານພັກແຂວງ ໃນການຊີ້ນຳ ນຳພາ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກແລະມະຕິກອງປະຊຸມໃຫຍ່ຄັ້ງທີ VIII ຂອງແຂວງໃນຄັ້ງນີ້ ແມ່ນຍົກໃຫ້ເຫັນເຖິງດ້ານດີ,ດ້ານອ່ອນ,ສາເຫດແລະບົດຮຽນທີ່ຖອດຖອນໄດ້ ໃນແຕ່ລະໜ້າວຽກຂອງການຊີ້ນຳ ເຊັນ ການຊີ້ນຳທາງດ້ານການເມືອງ ແນວຄິດ,ດ້ານວຽກງານວິຊາສະເພາະ,ຂົງເຂດປົກປ້ອງກົດໝາຍ,ຊີ້ນຳ ນຳພາດ້ານການປັບປຸງອົງການປົກຄອງແລະອົງການຈັດຕັ້ງມະຫາຊົນ,ການພົວພັນຮ່ວມມືກັບຕ່າງປະເທດ,ນຳພາ ວຽກງານປ້ອງກັນຊາດ ປ້ອງກັນຄວາມສະ ຫງົບ,ວຽກງານຕິດຕາມກວດກາ ແລະ ຕ້ານການສໍ້ລາດບັງຫຼວງ, ການນໍາພາປັບປຸງພັກ ແລະ ຂະຫຍາຍພັກ, ໂດຍລວມແລ້ວການຊີ້ນໍາ ນໍາພາຂອງຄະນະບໍລິຫານງານພັກແຂວງ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ X ຂອງພັກແລະມະຕິກອງປະຊຸມໃຫຍ່ຄັ້ງທີ VIII ຂອງແຂວງ ໃນໄລຍະຜ່ານມາເຫັນວ່າ ໄດ້ຮັບຜົນສຳເລັດ ໃນລະດັບໜຶ່ງ ເມື່ອທຽບໃສ່ຄວາມຮຽກຮ້ອງຕ້ອງການຂອງສັງຄົມໃນປັດຈຸບັນ ເຊິ່ງມັນສະແດງອອກຢູ່ໃນດ້ານອ່ອນ,ຂໍ້ຄົງຄ້າງທີ່ຍັງຈັດຕັ້ງປະຕິບັດບໍ່ໄດ້ ໃນແຕ່ລະໜ້າວຽກ ເພື່ອສືບຕໍ່ຈັດຕັ້ງປະຕິບັດຕາມທິດທາງແຜນການລວມຂອງພັກແລະທິດທາງສະເພາະຂອງແຂວງໃຫ້ສຳເລັດຕາມລະດັບຄາດໝາຍໃນຕໍ່ໜ້ານັ້ນ ກອງປະຊຸມໄດ້ສະເໜີຮ່າງທິດທາງແຜນການຈຸດສຸມຂອງຄະນະພັກ ປະຈຳສົກປີ 2017 ທັງທິດທາງໜ້າທີ່ລວມ ແລະ ຄາດໝາຍສູ້ຊົນ ລວມທັງກໍານົດການຊີ້ນໍາວຽກງານອອກເປັນແຕ່ລະດ້ານຢ່າງລະອຽດຕື່ມອີກ.

 

ຂ່າວ: ຄານມະນີ ຮຽນດໍຈັນ

ຫົວຂໍ້ທີ່ກ່ຽວຂ້ອງ

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com