ກອງປະຊຸມໃຫຍ່ຄັ້ງທີ 4 ຂອງກໍາມະບານຮາກຖານ ຫ້ອງວ່າການປົກຄອງແຂວງອຸດົມໄຊ ຈັດຂຶ້ນໃນຕອນແລງວັນທີ 17 ພຶດສະພາ 2018 ຢູ່ທີ່ຫ້ອງປະຊຸມຂອງຕົນ ໂດຍການເປັນປະທານຂອງທ່ານ ອ່ອນຄຳ ສີສົມບູນ ປະທານກຳມະບານຮາກຖານ ຫ້ອງວ່າການປົກຄອງແຂວງ,ມີທ່ານ ໄຊພອນ ຖົມປະດິດ ປະທານສະຫະພັນກຳມະ ບານແຂວງ,ທ່ານ ວັນນາ ແກ້ວສັນຕິ ຫົວໜ້າຫ້ອງວ່າການປົກຄອງແຂວງ,ມີບັນດາຕາງໜ້າກຳມະບານຮາກຖານ,ໜ່ວຍອ້ອມຂ້າງ ແລະ ສະມາຊິກກໍາມະບານພາຍໃນຫ້ອງວ່າ ການປົກຄອງແຂວງຂົ້າຮ່ວມ.

  ການດໍາເນີນກອງປະຊຸມໃນຄັ້ງນີ້ ກໍເພື່ອສະຫຼຸບຕີລາຄາຄືນຜົນການເຄື່ອນໄຫວຈັດຕັ້ງປະຕິບັດວຽກງານ ກຳມະບານຂອງຕົນໃນໄລຍະຜ່ານມາ ໃນນັ້ນ ໄດ້ຍົກໃຫ້ເຫັນເຖິງຜົນງານດ້ານດີ,ດ້ານອ່ອນຂໍ້ຄົງຄ້າງ,ບົດຮຽນທີ່ຖອດຖອນໄດ້ ລວມທັງທິດທາງແຜນການທີ່ຈະສືບຕໍ່ເຄື່ອນໄຫວໃນຕໍ່ໜ້າ. ຕໍ່ກັບຜົນງານທີ່ກຳມະບານຮາກຖານ ຫ້ອງວ່າການປົກ ຄອງແຂວງອຸດົມໄຊ ຍາດມາໄດ້ນັ້ນ ມັນສະແດງອອກຄື ສະມາຊິກກໍາມະບານຈຳນວນ 32 ສະຫາຍ,ຍິງ 11 ສະຫາຍ ໄດ້ຮັບໃບຍ້ອງຍໍ ຈາກສູນກາງສະຫະພັນກໍາມະບານລາວ ເຊິ່ງໃຫ້ກຽດມອບໂດຍທ່ານ ໄຊພອນ ຖົມປະດິດ ປະທານສະຫະພັນກຳມະບານ ແຂວງ, ເພື່ອປະຕິບັດຕາມລະບຽບລັກການຂອງສຸູນກາງສະຫະພັນກຳມະບານ ວາງອອກນັ້ນ ທາງຄະນະກໍາມະບານຮາກຖານຊຸດເກົ່າໄດ້ຂຶ້ນກ່າວອໍາລາໜ້າທີ່ ພ້ອມທັງມີການປ່ອນບັດຄັດເລືອກເອົາຄະນະຊຸດໃຫມ່ ເຊິ່ງມີຜູ້ສະຫມັກທັງໝົດ 7 ສະຫາຍ ໃນນັ້ນ ໄດ້ເລືອກເອົາ 5 ສະຫາຍ. ເພື່ອສືບຕໍ່ຊີ້ນໍາ ນໍາພາສະມາຊິກກໍາມະບານຂອງຕົນເຄື່ອນໄຫວຕາມທິດທາງລວມ ກໍຄືທິດທາງແຜນການທີຕົນເອງໄດ້ກໍານົດໄວ້.

  ໂອກາດດ່ັງກ່າວ ທ່ານ ໄຊພອນ ຖົມປະດິດ ປະທານສະຫະພັນກໍາມະບານແຂວງ ໄດ້ມີຄຳເຫັນຕໍ່ກອງປະຊຸມ ເຊິ່ງໄດ້ຍ້ອງຍໍຊົມເຊີຍຕໍ່ກັບຜົນງານທີ ກຳມະບານຮາກຖານ ຫ້ອງວ່າການປົກຄອງຍາດມາໄດ້ ພ້ອມທັງເນັ້ນຫນັກໃຫ້ຄະນະຮາກຖານຊຸດໃຫມ່ ລວມທັງສະມາຊິກ ຈົ່ງພ້ອມກັນສືບຕໍ່ສ້າງຜົນງານ ໂດຍອີງໃສ່ທິດທາງແຜນການ,ພາລະບົດ ບາດ,ສິດແລະໜ້າທີ່ຂອງຕົນ.

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com