ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ຕອນແລງ ເວລາ 16:00 ໂມງ ຂອງວັນທີ 07 ສິງຫາ 2017 ທີ່ຫ້ອງປະຊຸມຊັ້ນ III ຂອງຫ້ອງວ່າການປົກຄອງແຂວງອຸດົມໄຊ ໄດ້ຈັດພິທີປະກາດການຈັດຕັ້ງຄະນະຫ້ອງວ່າການຜູ້ໃໝ່ ເຊິ່ງເປັນກຽດເຂົ້າຮ່ວມ ເປັນປະທານໂດຍ ທ່ານ ຄຳພຽງ ຢາຈົງວາ ຮອງເລຂາພັກແຂວງ, ຮອງເຈົ້າແຂວງ ເປັນຜູ້ຊີ້ນຳວຽກງານຫ້ອງວ່າການປົກຄອງແຂວງ ແລະ ມີບັນດາແຂກເຊີນຈາກພະແນກການ, ອົງການທີ່ກ່ຽວຂ້ອງຂັ້ນແຂວງ ແລະ ເມືອງໄຊ ເຂົ້າຮ່ວມລວມທັງໝົດ 55 ສະຫາຍ, ຍິງ 15 ສະຫາຍ. ພິທີດັ່ງກ່າວ ໄດ້ປະກາດການຍົກຍ້າຍ ແລະ ແຕ່ງຕັ້ງໃໝ່ທັງໝົດ 5 ທ່ານ ດັ່ງນີ້:

1. ທ່ານ ຈັນສຸກ ຟົງທະລາ ຮອງຫົວໜ້າຫ້ອງວ່ານປົກຄອງແຂວງ ໄດ້ຖືກຍົກຍ້າຍໄປປະຈຳການຢູ່ ຫ້ອງວ່າການປົກຄອງແຂວງສາລະວັນຕາມການສະເໜີຂອງຜູ້ກ່ຽວ.

2. ທ່ານ ອ່ອນຄຳ ສີສົມບູນ ຫົວໜ້າຂະແໜງຈັດຕັ້ງ-ບໍລິຫານ-ການເງິນ ໄດ້ຖືກແຕ່ງຕັ້ງເລື່ອນຂື້ນເປັນ ຮອງຫົວໜ້າຫ້ອງວ່າການປົກຄອງແຂວງຄົນໃໝ່

3. ທ່ານ ຈັນທາ ແກ້ວສະຫວັດ ຫົວໜ້າຂະແໜງຄົ້ນຄວ້າ-ສັງລວມພັກ ໄດ້ຖືກແຕ່ງຕັ້ງເລື່ອນ ຂື້ນເປັນ ຮອງຫົວໜ້າຫ້ອງວ່າການປົກຄອງແຂວງຄົນໃໝ່.

4. ທ່ານ ວົງໄຊ ຊົງເພຍຢ່າງຊື່ ຮອງຫົວໜ້າຂະແໜງເລຂາການນຳ ໄດ້ຖືກແຕ່ງຕັ້ງເລື່ອນຂື້ນເປັນ ຫົວໜ້າຂະແໜງຈັດຕັ້ງ-ບໍລິຫານ-ການເງິນ.

5. ທ່ານ . ສີພອນ ເຈົ້າຊຸນລິງ ວິຊາການຂະແໜງຈັດຕັ້ງ-ບໍລິຫານ-ການເງິນ ໄດ້ຖືກແຕ່ງຕັ້ງເປັນ ຮອງຫົວໜ້າຂະແໜງຈັດຕັ້ງ-ບໍລິຫານ-ການເງິນ.

ໃນຕອນທ້າຍ ທ່ານ ປະທານ ໄດ້ໂອ້ລົມຕໍ່ພິທີດັ່ງກ່າວ ໂດຍສະເພາະກໍ່ແມ່ນພະນັກງານທັງ 5 ທ່ານ ທີ່ໄດ້ຖືກຍົກຍ້າຍ ແລະ ແຕ່ງຕັ້ງໃໝ່ໃຫ້ເພີ່ມທະວີຄວາມເອົາໃຈໃສ່ບຸກບື່ນຕົວຕໍ່ໜ້າທີ່ວຽກງານ ທີ່ໄດ້ຮັບການມອບໝາຍຈາກຂັ້ນເທິງ ດ້ວຍຄວາມຮັບຜິດຊອບສູງ ແລະ ປັບປຸງຕົນເອງເປັນຕົ້ນ ແມ່ນດ້ານແນວຕິດການເມືອງ, ທັດສະນະຄະຕິ, ການປະພຶດ ເພື່ອເປັນແບບເປັນຢ່າງໃນການຊີ້ນຳ-ນໍາພາ ໃນຂົງເຂດວຽກຫ້ອງວ່າການປົກຄອງແຂວງ. ພິທີດັ່ງກ່າວ ໄດ້ປິດລົງໃນເວລາ 17:00ໂມງ ຂອງວັນດຽວກັນ.

ພາບ/ຂ່າວ: ນ. ສຸລິນດາ ແກ້ວມຸກດາ

 

ຫົວຂໍ້ທີ່ກ່ຽວຂ້ອງ

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com