ໃນວັນທີ 18 ພະຈິກ 2016 ຜ່ານມານີ້ ຫ້ອງວ່າການປົກຄອງແຂວງອຸດົມໄຊ ໄດ້ມອບເຄື່ອງອັດດິນບ໋ອກ ແລະເຄື່ອງປະສົມຊີມັງຈຳນວນ 1ເຄື່ອງທີ່ແລ່ນດ້ວຍກະແສໄຟຟ້າກຳລັງ 7,5 kv  ຂະໜາດ YL132M-4 ທີ່ໄດ້ຮັບມາຈາກການຊ່ວຍເຫຼືອຂອງບໍລິສັດຊີມັງອຸດົມໄຊ ເມືອງນາໝໍ້ແຂວງອຸດົມໄຊມອບໃຫ້ຄະນະບໍລິຫານງານຊາວໜຸ່ມແຂວງ

 

ພິທີມອບ-ຮັບຄັ້ງນີ້ ຕາງໜ້າມອບເຄື່ອງອັດດິນບ໋ອກໂດຍ ທ່ານ ວັນນາ ແກ້ວສັນຕິ ກຳມະການພັກແຂວງF ຫົວໜ້າຫ້ອງວ່າການປົກຄອງແຂວງອຸດົມໄຊ ແລະຕາງໜ້າຮັບໂດຍ ທ່ານ ບຸນທັນ ສຸລິຍະວົງ ເລຂາຄະນະບໍລິຫານງານຊາວໜຸ່ມແຂວງ ແລະຕາງໜ້າມອບເຄື່ອງປະສົມຊີມັງໂດຍ ທ່ານ ຄຳອິ່ນ ພົມມະນີ ຮອງຫົວໜ້າຫ້ອງວ່າການປົກຄອງແຂວງອຸດົມໄຊ ແລະຕ່າງໜ້າຮັບໂດຍ ທ່ານ ຄຳແບ່ງ ຈັນມະນີ ຮອງເລຂາຄະນະບໍລິຫານງານຊາວໜຸ່ມແຂວງອຸດົມໄຊ ລວມມູນຄ່າທັງໝົດ 26,000,000 ກີບ; ມີພະນັກງານລັດກອນຫ້ອງວ່າການປົກຄອງແຂວງ, ຄະນະບໍລິຫານງານຊາວໜຸ່ມແຂວງ ແລະພາກສ່ວນທີ່ກ່ຽວຂ້ອງເຂົ້າຮ່ວມ,  ເຄື່ອງຈັກດັ່ງກ່າວ ແມ່ນມອບໃຫ້ຄະນະບໍລິຫານງານຊາວໜຸ່ມແຂວງຄຸ້ມຄອງ, ປົກປັກຮັກສາ ແລະນຳໃຊ້ໃຫ້ມີປະສິດທິຜົນສູງເຂົ້າໃນກິດຈະກຳວຽກງານຂອງຄະນະບໍລິຫານງານຊາວໜຸ່ມແຂວງ ເປັນຕົ້ນແມ່ນນຳໄປໃຊ້ຊ່ວຍເຫຼືອແກ້ໄຂຄວາມທຸກຍາກຂອງປະຊາຊົນໃນການກໍ່ສ້າງບ້ານເຮືອນ ທີ່ຢູ່ອາໄສ , ໂຮງຮຽນ, ຫ້ອງການບ້ານ ແລະວຽກງານການກໍ່ສ້າງອື່ນໆຂອງປະຊາຊົນທີ່ຈຳເປັນ.

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com