ພິທີສະຫຼຸບຂໍ້ແຂ່ງຂັນ 3ດີ ປະຈຳປີ 2016 ຂອງສະຫະພັນແມ່ຍິງຫ້ອງວ່າການປົກຄອງແຂວງອຸດົມໄຊ ໄດ້ຈັດຂື້ນໃນວັນທີ 20 ທັນວາ 2016 ທີ່ຫ້ອງປະຊຸມຫ້ອງວ່າການປົກຄອງແຂວງ ເປັນປະທານຂອງທ່ານ ນາງ ບຸນທັນ ຈິດຕະວົງ ປະທານສະຫະພັນແມ່ຍິງໜ່ວຍຫ້ອງວ່າການປົກຄອງແຂວງ, ແລະມີທ່ານ ນາງ ສົມໃຈ ພົນທອງສີ ຮອງປະທານສະຫະພັນແມ່ຍິງແຂວງ, ນາງ ບົວທອງ ວັນນະລາດ ຮອງຄະນະພັກຮາກຖານຫ້ອງວ່າການປົກຄອງແຂວງ, ຫົວໜ້າຫ້ອງການສົ່ງເສີມຄວາມກ້າວໜ້າແມ່ຍິງແຂວງ, ມີໜ່ວຍສະຫະພັນແມ່ຍິງທີ່ເຊີນຈາກບັນດາພະແນກການ, ສະມາຊິກແມ່ຍິງຫ້ອງວ່າການປົກຄອງແຂວງເຂົ້າຮ່ວມ.

          ໃນພິທີຄັ້ງນີ້ໄດ້ມີການຜ່ານບົດສະຫຼຸບການເຄື່ອນໄຫວຈັດຕັ້ງປະຕິບັດຂໍ້ແຂ່ງຂັນ 3ດີ ຂອງໜ່ວຍສະຫະພັນແມ່ຍິງຫ້ອງວ່າການໃນຕະຫຼອດໄລຍະ 1 ປີຜ່ານມາ ໃນນັ້ນຍົກໃຫ້ເຫັນຜົນງານອັນຜົນເດັ່ນຫຼາຍດ້ານທີ່ເອື້ອຍນ້ອງແມ່ຍິງຍາດມາໄດ້ເຊິງມັນສະແດງອອກຄື ສະມາຊິກພາຍໃນໜ່ວຍສ່ວນຫຼາຍແມ່ນໄດ້ຮັບການຍ້ອງຍໍ້ຈາກສະຫະພັນແມ່ຍິງແຂວງ ລວມທັງໄດ້ຮັບໃບຢັ້ງຢືນເປັນໜ່ວຍສະຫະພັນແມ່ຍິງ 3 ດີ ເຊິງໃຫ້ກຽດມອບໂດຍ ທ່ານ  ນາງ ສົມໃຈ ພົນທອງສີ ຮອງປະທານສະຫະພັນແມ່ຍິງແຂວງ ປະຈຳປີ 2016.

          ຈາກນັ້ນກໍ່ໄດ້ຜ່ານໃບສະໝັກເພື່ອເຂົ້າແຂ່ງຂັນ 3ດີ ແລະຜ່ານທິດທາງແຜນການປະຈຳປີ 2017 ພ້ອມທັງມີການຈັບມືແຂ່ງຂັນ ເພື່ອປະຕິຍານຕົນໃນການສຶບຕໍ່ຈັດຕັ້ງປະຕິບັດວຽກງານ 3ດີໃຫ້ສຳເລັດຜົນຕາມທີ່ກຳນົດໄວ້.

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com