ໃນຕອນແລງເວລາ 13 :30 ນາທີ ຂອງວັນທີ 4 ເມສາ 2018  ໜ່ວຍຊາວໜຸ່ມຫ້ອງວ່າການແຂວງອຸດົມໄຊ ໄດ້ເປີດກອງປະຊຸມໃຫຍ່ຄັ້ງທີ່ III ແລະ ເປີດຂໍ້ແຂ່ງຂັນ 4 ບຸກ ຂື້ນຢ່າງເປັນທາງການ ໂດຍການເປັນປະທານຂອງ ສະຫາຍ ສູນທະລາ ສີສະເກດ ເລຂາໜ່ວຍຊາວໜຸ່ມຫ້ອງວ່າການແຂວງ, ໂດຍເປັນກຽດເຂົ້າຮ່ວມຊີ້ນຳໆພາກອງປະຊຸມຄັ້ງນີ້ ມີ ສະຫາຍ ບຸນທັນ ສຸລິຍາວົງ ກຳມະການພັກແຂວງ, ຄະນະບໍລິຫານງານສູນກາງຊາວໜຸ່ມ, ເລຂາຄະນະບໍລິຫານງານຊາວໜຸ່ມແຂວງອຸດົມໄຊ; ມີສະຫາຍ ວັນນາ ແກ້ວສັນຕິ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງອຸດົມໄຊ, ມີຄະນະໜ່ວຍຊາວໜຸ່ມມາຈາກພະແນກການອ້ອມຂ້າງແຂວງ, ອົງການຈັດຕັ້ງມະຫາຊົນ ແລະ ສະມາຊິກຊາວໜຸ່ມພາຍໃນໜ່ວຍຫ້ອງວ່າການແຂວງເຂົ້າຮ່ວມທັງໝົດ 42 ສະຫາຍ,ຍິງ 17 ສະຫາຍ.

ກອງປະຊຸມໄດ້ຮັບຟັງການສະເໜີຜ່ານບົດລາຍງານການເມືອງ ແລະ ທິດທາງແຜນການ ແລະ ແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມຫ້ອງວ່າການແຂວງ.

ກອງປະຊຸມໄດ້ປ່ອນບັດເລືອກຕັ້ງເອົາຄະນະໜ່ວຍຊຸດໃໝ່ ຈຳນວນ 3 ສະຫາຍ ຊຶ່ງປະກອບມີບັນດາສະຫາຍຄື:

1. ສະຫາຍ ສູນທະລາ ສີສະເກດ ເປັນເລຂາ

2.   ສະຫາຍ ສຸໄພລີນ ສິດທິພອນ ເປັນຮອງເລຂາ

3.   ສະຫາຍ ຄຳສຸກ ນາມແສງ ເປັນຄະນະ

o  ແຕ່ງຕັ້ງເອົາຄະນະກວດກາໜ່ວຍຊາວໝຸ່ມ ປະກອບມີບັນດາສະຫາຍຄື:

1. ສະຫາຍ ສຸໄພລີນ ສິດທິພອນ ເປັນປະທານກວດກາ

2.   ສະຫາຍ ສົມຈິດ ເພັດມະນີ ເປັນຮອງ

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com