ພິທີພົບປະແລກປ່ຽນບົດຮຽນລະຫວ່າງ ຄະນະກວດກາແຂວງອຸດົມໄຊ ສປປລາວ ກັບ ຄະນະກວດກາແຂວງດຽນບຽນ ສສ ຫວຽດນາມ ໄດ້ຂຶ້ນທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊ ໃນຕອນເຊົ້າວັນທີ 5 ເມສາ 2017 ນີ້ ຝ່າຍແຂວງອຸດົມໄຊນຳໂດຍທ່ານ ຄຳຜຸຍ ສຸກສາລາ ຮອງປະທານກວດກາແຂວງອຸດົມໄຊ ພ້ອມດ້ວຍຄະນະ ແລະ ປະທານກວດກາຂັ້ນເມືອງ ພ້ອມດ້ວຍພະນັກງານວິຊາການ.ຝ່າຍແຂວງດຽນບຽນນຳໂດຍທ່ານ ຟາມຟູຢ້ວນ ຄະນະປະຈຳພັກແຂວງ ປະທານຄະນະກຳມະການກວດກາແຂວງດຽນບຽນ ພ້ອມດ້ວຍຄະນະ ແລະ ຂະແໜງການພາຍໃນຄະນະກວດກາແຂວງດຽນບຽນເຂົ້າຮ່ວມ.


     
ໃນການພົບປະແລກປ່ຽນບົດຮຽນນຳກັນຄັ້ງນີ້ທັງສອງຝ່າຍກໍໄດ້ລາຍງານສະພາບຫຍໍ້ຂອງການພັດທະນາເສດຖະກິດ-ສັງຄົມ ແລະ ລາຍງານກ່ຽວກັບການຈັດຕັ້ງເຄື່ອນໄຫວວຽກງານກວດກາຢູ່ພາຍໃນແຂວງຂອງຕົນໃຫ້ກັນຊາບ ໂດຍໄດ້ໃຫ້ຮູ້ເຖີງດ້ານດີຜົນງານຂອງການຈັດຕັ້ງເຄື່ອນໄຫວ ພ້ອມທັງໄດ້ຍົກເອົາຫຼາຍປະເດັນເພື່ອແລກປ່ຽນບົດຮຽນນຳກັນ ເປັນຕົ້ນແມ່ນ ກົງຈັກການຈັກຕັ້ງຂອງຄະນະກວດກາ,ການຊີ້ນຳ-ນຳພາ ແລະ ອຳນວຍຄວາມສະດວກຂອງອົງການປົກຄອງແຂວງຕໍ່ກັບການເຄື່ອນໄຫວວຽກງານກວດກາ,ການລົງວິໄນຕໍ່ສະມາຊິກພັກ-ພະນັກງານ,ວິທີການ-ມາດຕະການໃນການກວດກາ ແລະ ວິທີການ-ມາດຕະການໃນການແກ້ໄຂເມື່ອກວດພົບ,ການສະກັດກັ້ນ ແລະ ຕ້ານການສໍ້ລາດບັງຫຼວງ,ວຽກງານການກວດກາລັດ ຕິດພັນກັບການຕ້ານການສໍ້ລາດບັງຫຼວງ,ການຄົ້ນຄວ້າຄຳຮ້ອງ-ຄຳສະເໜີຂອງປະຊາຊົນຕໍ່ການປະຕິບັດວຽກງານຂອງສະມາຊິກພັກພະນັກງານ ລວມເຖີງການສະໜອງທາງດ້ານງົບປະມານ ພາຫະນະອຸປະກອນເຂົ້າໃນການຈັດຕັ້ງເຄື່ອນໄຫວວຽກງານກວດກາ.  ຕາມຈຸດປະສົງເພື່ອເສີ່ມສ້າງຄວາມຄວາມສາມັກຄີລະຫວ່າງສອງຊາດລາວ-ຫວຽດນາມ ກໍຄືຂອງສອງແຂວງອຸດົມໄຊ-ດຽນບຽນ ເວົ້າສະເພາະກໍແມ່ນຄະນະກວດກາຂອງສອງແຂວງ ໃຫ້ມີຄວາມແໜ້ນແຟ້ນຍິງໆຂຶ້ນ      ທັງເປັນການແລກປ່ຽນບົດຮຽນເພື່ອປັບປຸງວຽກງານກວດກາຂອງສອງແຂວງໃຫ້ມີບາດກ້າວທີ່ພົ້ນເດັ່ນຂຶ້ນ.

ຂ່າວ: ສີຈັນ ເກດວົງສາ

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com