ເນື່ອງໃນໂອກາດວັນຊົນລະປະທານແຫ່ງຊາດ ( ວັນທີ 3 ພະຈິກ ) ທີ່ໄດ້ໝູນວຽນມາອີວາລະໜື່ງ  ທ່ານ ບຸນຍືມ ໄຊຍະເວັນ ຄະນະພັກຮາກຖານ ຮອງຫົວໜ້າ ພະແນກກະສິກຳ ແລະ ປ່າໄມ້ແຂວງອຸດົມໄຊ ໄດ້ໃຫ້ສຳພາດວ່າ: ວັນຊົນລະປະທານເປັນວັນທີມີຄວາມໝາຍຄວາມຄັນເປັນຢ່າງຍິງ ທີ່ກົດໝາຍຊົນລະປະທານກໍໄດ້ກຳນົດເອົາວັນທີ 3 ພະຈິກຂອງທຸກໆປີ ເປັນວັນຊົນລະປະທານແຫ່ງຊາດ ເປັນການປູກຈິດສຳນຶກກ່ຽວກັບຄວາມໝາຍສຳຄັນຂອງຊົນລະປະທານ ເພື່ອພ້ອມກັນສ້າງຂະບວນການອານາໄມຄອງເໝືອງ ແລະ ປັບປຸງຊົນລະປະທານໃຫ້ດີຂຶ້ນ ກະກຽມສະໜອງນ້ຳໃຫ້ແກ່ການທຳການຜະລິດບໍ່ວ່າຈະເປັນລະດູຝົນ ຫຼື ລະດູແລ້ງກໍແມ່ນໃຫ້ມີຄວາມຮັບປະກັນດີຂຶ້ນ. ຍ້ອນເຫັນໄດ້ຄວາມສຳຄັນຄືກ່າວມານັ້ນຄະນະນຳພະແນກກະສິກຳກໍໄດ້ເອົາໄຈໃສໃນການຕິດຕາມ ກວດກາຊົນລະປະທານ ຈຸດທີ່ມີການເປ່ເພ່

 

ທ່ານກ່າວອີກວ່າ ເນື່ອງໃນໂອກາດວັນຊົນລະປະທານແຫ່ງຊາດ 3 ພະຈິກ 2016 ນີ້ທາງພະແນກກະສິກຳ ແລະ ປ່າໄມ້ແຂວງກໍໄດ້ອອກແຈ້ງການໃຫ້ແຕ່ລະເມືອງໃຫ້ກະກຽມສ້າງຂະບວນການອານາໄມຄອງເໝືອງ ປັບປຸງຊົນລະປະທານກະກຽມປ່ອຍນ້ຳເຂົ້າໃນການຜະລິດໃຫ້ໄດ້ຮັບໝາກຜົນ.

  ທ່ານຍັງກ່າວຕື່ນວ່າ: ມາຮອດປັດຈຸບັນທົ່ວແຂວງອຸດົມໄຊມີຊົນລະປະທານທັງໝົດ 1.600 ກວ່າແຫ່ງ ໃນນີ້ມີຝາຍນ້ຳລົ້ນ 500 ກວ່າແຫ່ງ,ມີອ່າງເກັບນ້ຳ 22 ແຫ່ງ,ຝາຍຊົນລະປະທານແບບປະຖົມປະຖານ 875 ແຫ່ງທີ່ເປັນທ່າແຮງໃນການຂັບເຄື່ອນວຽກງານກະສິກຳປ່າໄມ້ໃຫ້ສົບຜົນສຳເລັດ. ໂອກາດດຽວກັນນີ້ທ່ານຍັງໄດ້ຮຽກຮ້ອງໃຫ້ກຸ່ມການຊົມໃຊ້ຊົນລະປະທານ ເອົາໄຈໃສໃນການປົກຮັກສາ,ຄຸ້ມຄອງ ແລະ ນຳໃຊ້ໃຫ້ຖືກຕ້ອງຕາມລະບຽບການ ແລະ ເກັບເງີນຄ່າຄຸ້ມຄອງຕາມທີ່ໄດ້ກຳນົດໄວ້ເພື່ອບຳລຸງຮັກສາ ແລະ ສ້ອມແປງໃນເວລາເປ່ເພ່.

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com