ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ຂ່າວໃໝ

ກອງປະຊຸມປຶກສາຫາລືລະຫວ່າງ ແຂວງອຸດົມໄຊ ກັບ ເອກອັກຄະລາຊະທູດແຫ່ງຣາຊະອານາຈັກໄທ ປະຈຳ ສປປລາວ ກ່ຽວກັບການຈັດງານປັກແລະທອດກະຖິນ ຢູ່ທີ່ວັດພະເຈົ້າສິງຄຳ ເມືອງຫຼາ ແຂວງອຸດົມໄຊ ຈັດຂຶ້ນໃນຕອນເຊົ້າວັນທີ 30 ສິງຫາ 2017ຢູ່ທີ່ຫ້ອງປະຊຸມ 4 ອົງການຈັດຕັ້ງມະຫາ ຊົນ ເຊິ່ງໃຫ້ກຽດຕາງໜ້າການນຳຂອງແຂວງ ເປັນປະທານຮ່ວມໂດຍທ່ານ ໂອວາດ ຈັນທະວົງ ປະ ທານອົງການແນວລາວສ້າງຊາດ,ຝ່າຍຣາຊະອານາຈັກໄທ ນຳໂດຍທ່ານ ດຣ ສຸວິດ ມັງຄະລະ ອັກຄະ ລາຊະທູດທີ່ປຶກ ສາ ສະຖານເອກອັກຄະລາຊະທູດ ແຫ່ງຣາຊະອານາຈັກໄທ ປະຈໍາສປປລາວ,ມີຕາງໜ້າຈາກກົມພົວພັນຕ່າງປະເທດ,ເລຂາທິການສະມາຄົມລາວ - ໄທ,ໄທ - ລາວ ເພື່ອມິດຕະພາບ ແລະ ຄະນະນໍາທັງສອງຝ່າຍເຂົ້າຮ່ວມ.

  ການປຶກສາຫາລືເຊິ່ງກັນແລະກັນໃນຄັ້ງນີ້ ກໍເພື່ອຈັດຕັ້ງການຫ້າງຫາກະກຽມ,ແຕ່ງຕັ້ງຄະນະຮັບຜິດ ຊອບໃນການຈັດງານ,ກຳນົດກິດຈະກຳ,ແບ່ງຄວາມຮັບຜິດຊອບລະຫວ່າງ ສອງຝ່າຍ,ກໍານົດສະຖານທີ່ແລະວັນເວລາຂອງການຈັດງານ ເຊິ່ງກິດຈະກໍາການຈັດງານປັກແລະທອດກະຖິນຂອງເອກອັກຄະລາ ຊະທູດ ແຫ່ງຣາຊະອານາຈັກໄທ ປະຈຳລາວ ຖືວ່າເປັນກິດຈະກຳທີ່ຈັດຂຶ້ນຕະຫຼອດໃນທຸກປີ ຢູ່ບັນດາແຂວງຕ່າງໆຂອງ ສປປລາວ ໂດຍໄດ້ຮັບພະຣາຊະທານ ຈາກເຈົ້າຊີວິດໄທ ແລະ ໃນປີນີ້ເພິ່ນໄດ້ກໍານົດເອົາແຂວງອຸດົມໄຊ ໂດຍສະເພາະແມ່ນ ວັດພະເຈົ້າສິງຄຳ ເມືອງຫຼາເປັນສະຖານທີ່ຈັດພິທີ ທັງເປັນຄັ້ງທຳອິດທີ່ເອກອັກຄະລາຊະທູດ ແຫ່ງຣາຊະອານາຈັກໄທ ປະຈໍາ ລາວ ຈັດຂຶ້ນໃນສະໄໝຣາຊະການທີ 10 ຂອງໄທ. ສຳຫຼັບເນື້ອໃນຂອງການປຶກສາຫາລື ທັງສອງຝ່າຍໄດ້ເຫັນດີຕົກລົງໃນການກຳນົດກິດຈະກຳ,ສະຖານທີ່,ຄວາມຮັບຜິດຊອບດ້ານຕ່າງໆ ລວມທັງງົບປະມານ ແລະ ວັນເວລາໃນການຈັດງານ ເປັນຕົ້ນແມ່ນ ຈະຈັດໃຫ້ມີງານຄອນເສີດ,ງານຕະຫຼາດນັດ,ກວດເຊັກສະພາບລົດຍີຫໍ້ ໂຕໂຍຕ້າ ຟີ,ການຄັດເລືອກແລະຝຶກຊ້ອມທັກສະກິລາບານເຕະໃຫ້ແກ່ເຍົາວະຊົນ ຈາກຜູ້ຝຶກສອນທີ່ີມີຊື່ສຽງຂອງປະເທດໄທ,ສະຖານທີ່ທີ່ຈະຕັ້ງກອງກະຖິນ ກິດຈະກໍາທັງໝົດແມ່ນຈະໄດ້ຈັດຂຶ້ນຢູ່ທີ່ເທດສະ ບານເມືອງໄຊ ໂດຍສະເພາະແມ່ນ ສະໂມສອນແຂວງ ແລະ ສະໜາມກິລາ ຈາກນັ້ນ ຈຶ່ງຈະມີພິທີແຫ່ ກອງກະຖິນ ໄປສູ່ວັດພະເຈົ້າສິງຄຳ ທີ່ເມືອງຫຼາ. ສໍາຫຼັບກິດຈະກໍາທີຈະຕຈັດຂຶ້ນຢູ່ເມືອງຫຼາ ນັ້ນ ມີພຽງແຕ່ສູນບໍລິການກວດເຊັກສຸຂະພາບ ແລະ ພິທີປັກ,ທອດກະຖິນເທົ່ານັ້ນ ສ່ວນເວລາໃນການຈັດງານ ທັງສອງຝ່າຍໄດ້ກຳນົດ ເອົາຕັ້ງແຕ່ວັນທີ 27 ເດືອນ ຕຸລາ ໄປຫາ ວັນທີ 2 ພະຈິກ 2017 ນີ້.

  ນອກຈາກກິດຈະກໍາດັ່ງກ່າວ ແລ້ວ ທາງເອກອັກຄະລາຊະທູດ ແຫ່ງຣາຊະອານາຈັກໄທ ປະຈໍາລາວ ຍັງຕົກລົງຈະໃຫ້ການຊ່ວຍເຫຼືອໃນການສ້າງອາຄາຮຽນ ຈຳນວນ 4 ຫ້ອງໃຫ້ແກ່ ໂຮງຮຽນມັດທະຍົມຕອນຕົ້ນ ຕາດມວນ ເມືອງຫຼາ ຕື່ມອີກ.

ຂ່າວ: ຄານມະນີ ຮຽນດໍຈັນ

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com