ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ຂ່າວໃໝ

ຂ່າວ: ຄານມະນີ ຮຽນດໍຈັນ

 ຕອນເຊົ້າວັນທີ 10 ມິຖຸນາ 2017 ບັນດາການນໍາແຂວງ ເຊິ່ງນໍາໂດຍທ່ານ ເພັດສາຄອນ ຫຼວງອາໄພ ເຈົ້າແຂວງອຸດົມໄຊ ພ້ອມດ້ວຍຄະນະ ແລະ ພະແນກການທີ່ກ່ຽວຂ້ອງ ເດີນທາງສຳຫຼວດສະຖານທີ່ ທີ່ຈະສ້າງເປັນຫໍຫຼັກເມືອງ ຂອງແຂວງອຸດົມໄຊ.

 ພາຍຫຼັງທີ່ຄະນະຮັບຜິດຊອບແຕ່ລະຂັ້ນແລະພາກສ່ວນທີ່ກ່ຽວຂ້ອງ ໄດ້ມີການປຶກສາຫາລືກ່ຽວກັບຄວາມເປັນໄປໄດ້ໃນການສ້າງຫໍຫຼັກເມືອງ ຂອງແຂວງອຸດົມໄຊ ແລ້ວ ທາງການນຳແຂວງ ກໍໄດ້ພ້ອມກັນລົງເຄື່ອນໄຫວສຳຫຼວດຕົວຈິງ ຢູ່ພູເພີ້ຍ ຫຼື ພູ 8 ຫຼ່ຽມ ໃນເມື່ອກ່ອນ ເຊິ່ງຕັ້ງຢູ່ລະຫວ່າງບ້ານນາສ້າວ ກັບ ບ້ານນາແລ ເມືອງໄຊ ແຂວງອຸດົມໄຊ ໂດຍໃຫ້ການຕ້ອນຮັບ ແລະ ນຳພາການນຳແຂວງອຸດົມໄຊ ເຄື່ອນໄຫວສໍາຫຼວດ ໂດຍອຳນາດການປົກຄອງບ້ານ,ປ້ອງກັນ ແລະ ກອງຫຼອນບ້ານ. ການລົງສຳຫຼວດພູເພີ້ຍ ເພື່ອກຳນົດເອົາສະຖານທີ່ດັ່ງກ່າວເປັນສານຫຼັກເມືອງ ກໍເນື່ອງມາຈາກຫຼາຍພາກສ່ວນເຫັນວ່າ ມີຄວາມເໝາະສົມ,ເປັນສະຖານທີ່ເກົ່າແກ່,ມີປະຫວັດອັດຍາວນານໂດຍສະເພາະແມ່ນເຄີຍເປັນບ່ອນຕັ້ງປືນໃຫຍ່ຂອງທະຫານຫວຽດນາມ,ມີຄວາມລຶກລັບໜ້າອັດສະຈັນ ເຊິ່ງຄາດວ່າຈະເປັນບ່ອນພັກເຊົ່າຂອງຂຸນເຈື່ອງ ໃນສະໄໝກ່ອນ ເນື່ອງຈາກຍັງພົບເຫັນຂຸມຄອງຕັ້ງແຕ່ຕີນພູ ອ້ອມຮອບຈົນເຖິງຈອມພູ ລວມທັງກ້ອນຫີນ ເຊິ່ງປະຊາຊົນສັນນິຖານວ່າເປັນຕັ່ງນັ່ງຂອງເຈືອງ ນອກນັ້ນ ຍັງເປັນສະຖານທີ່ໜຶ່ງ ທີ່ສາ ມາດເບິ່ງເຫັນເທດສະບານແຂວງໄດ້ຢ່າງສະບາຍ.

 ພາຍຫຼັງສຳເລັດການສຳຫຼວດ ແລ້ວ ທ່ານ ເພັດສາຄອນ ຫຼວງອາໄພ ເຈົ້າແຂວງໄດ້ມີຄຳເຫັນ ໂດຍເປັນການຊີ້ນຳ ອຳນາດການປົກຄອງບ້ານ ໃນລະຫວ່າງການສໍາຫຼວດແລະ ປຶກສາຫາລືຄວາມເປັນໄປໄດ້ໃນການສ້າງຫໍຫຼັກເມືອງໃນຄັ້ງນີ້ ແມ່ນໃຫ້ປົກປັກຮັກສາປ່າໃນຄົງເຂດດັ່ງກ່່າວ ບໍ່ໃຫ້ປະຊາຊົນຫຼືບຸກຄົນໃດ ເຂົ້າໄປລ່າສັດປ່າ ແລະ ທຳ ລາຍປ່າໄມ້ຢ່າງເດັດຂາດ.

 

 ຖ້າຫາກການກໍ່ສ້າງຫໍຫຼັກເມືອງຢູ່ສະຖານທີ່ດັ່ງກ່າວ ເກີດຂຶ້ນຈິງ ຈະເປັນເອກະຫຼັກໜຶ່ງທີ່ສຳຄັນຂອງແຂວງ,ເປັນແຫຼ່ງທ່ອງທ່ຽວແຫ່ງໃຫມ່ ເພື່ອດຸງດູດນັກທ່ອງທ່ຽວໃຫ້ເຂົ້າມາທ່ອງທ່ຽວຢູ່ໃນແຂວງອຸດົມໄຊ ເພີ່ມຂຶ້ນ ເນື່ອງຈາກເປັນຈຸດຊົມວິວໜຶ່ງທີ່ເໝະສົມ ສາ ມາດເບິ່ງເຫັນເທດສະບານແຂວງອຸດົມໄຊ ໄດ້ແບບ 160 ອົງສາ.

ຫົວຂໍ້ທີ່ກ່ຽວຂ້ອງ

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com