ທ້າຍອາທິດຜ່ານມາ ການນຳແຂວງອຸດົມໄຊເຊິ່ງນຳໂດຍທ່ານ ເພັດສາຄອນ ຫຼວງອາໄພກຳມະການສູນການພັກເລຂາພັກແຂວງ,ເຈົ້າແຂວງອຸດົມໄຊພ້ອມດ້ວຍຄະນະປະຈຳພັກແຂວງ,ກຳມະການພັກແຂວງ,ພະນັກງານວິຊາການທີ່ກ່ຽວຂ້ອງໄດ້ພອ້ມກັນລົງເຄື່ອນໄຫວເຮັດວຽກຢູ່ເຂດຈຸດສຸມບ້ານຫຼັກ 32 ເມືອງໄຊ ແຂວງອຸດົມໄຊ.

ການລົງເຄື່ອນໄຫວເຮັດວຽກຂອງບັນດາການນໍາແຂວງໃນຄັ້ງນີ້ ມີເປົ້າໝາຍຢູ່ 3 ຈຸດ ຄືລົງຢ້ຽມຢາມຖາມຂ່າວກ່ຽວກັບວຽກງານການສຶກສາຢູ່ທີ່ໂຮງຮຽນມັດທະຍົມສົມບູນ ຫົວນ້ຳງາ ບ້ານຫຼັກ32,ກວດກາເບິ່ງການສ້າງໂຮງຮຽນທີ່ຫາກໍ່ສ້າງສໍາເລັດໃນການຮອງຮັບໃຫ້ແກ່ນັກຮຽນທີມີຈຳນວນເພີ່ມຂຶ້ນໃນແຕ່ລະປີທັງເປັນການລົງຊຸກຍູ້ໃຫ້ກໍາລັງໃຈແກ່ະນັກງານຄູອາຈານທີ່ສິດສອນແລະນ້ອງນັກຮຽນ ຢູ່ໂຮງຮຽນດັ່ງກ່າວຈາກນັ້ນໄດ້ເດີນທາງໄປຢ້ຽມຢາມເບິ່ງໂຄງການປູກແລະເກັບຊື້ຫມາກດຸກເດື່ອດີບເພື່ອເກັບກໍາຂໍ້ມູນກ່ຽວກັບຄວາມຄືບໜ້າຂອງໂຄງການ,ຊອກຮູ້ແນວພັນ,ວິທີການປູກ ແລະຄວາມເປັນໄປໄດ້ຂອງການສືບຕໍ່ໂຄງການເຊິ່ງຫມາກດຸກເດື່ອດັ່ງກ່າວແມ່ນເປັນທີ່ຕ້ອງການຫຼາຍໃນທ້ອງຕະຫລາດ,ມີສັບພະຄຸນຫຼາຍຢ່າງທັງນໍາເອົາມາເປັນອາຫານໃນຊີວິດປະຈໍາວັນ,ນຳເອົາໄປແປຮູບແລະຜະລິດເປັນຢາຮັກສາໂລກ ແລະເຄື່ອງສໍາອາງເພື່ອຄວາມສວຍຄວາມງາມ ໂອກາດດັ່ງກາວທາງຄະນະທິມງານການນຳແຂວງໄດ້ສືບຕໍ່ເດີນທາງໄປຄ້າຍທະຫານກອງຮ້ອຍ ທີ2ທີ່ບ້ານປຸງລຽນເພື່ອຢື້ຢາມຖາມຄວາມຄວາມທຸກສຸກຂອງອ້າຍນ້ອງທະຫານທີ່ສັງກັດຢູ່ກົມກອງດັ່ງກ່າວທັງສໍາຫຼວດກວດກາເບິ່ງຈຸດທີ່ຈະສ້າງເປັນຄ້າຍຄຸມຂັງພາຍຫຼັງທີ່ຄ້າຍທະຫານກອງຮ້ອຍທີ2ຍົກຍ້າຍໄປຕັ້ງຢູ່ຈຸດໃຫມ່ທີ່ແຂວງໄດ້ກຳນົດໄວ້ໃຫ້ເປັນທີ່ຮຽບຮ້ອຍແລ້ວ.

ເພື່ອເປັນການປະກອບສ່ວນຊຸກຍູ້ແລະໃຫ້ກໍາລັງໃຈແກ່ອ້າຍນ້ອງທະຫານ ທາງຄອບຄົວ ເຈົ້າແຂວງພ້ອມກັບອົງການປົກຄອງແຂວງ ໄດ້ນຳເອົາເຄື່ອງອຸປະໂພກ - ບໍໂພກ ພ້ອມເງິນສົດ ຈຳນວນໜຶ່ງລວມເປັນມູນຄ່າທັງໝົດ 4 ລ້ານກີບ. ມອບໃຫ້ກັບ ກອງຮ້ອຍດັ່ງກ່າວ ເຊິ່ງຕາງໜ້າການນຳແຂວງ ມອບ ໂດຍທ່ານພອນສະຫວັນ ພັນທະວິຈິດ ຄະນະປະຈຳພັກແຂວງ,ຫົວໜ້າພະແນກ ຖວທ ແຂວງ ແລະ ຮັບໂດຍທ່ານ ຮ້ອຍເອກ ຄຳໄຊ ມຸນລະຈິດ ຫົວໜ້າການເມືອງກອງຮ້ອຍ 2

ຂ່າວ: ຄານມະນີ ຮຽນດໍຈັນ

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com