ວັນທີ 2 ມີນາ 2017 ທີ່ຜ່ານມາ ທ່ານ ເພັດສາຄອນ ຫຼວງອາໄພ ກຳມະການສູນກາງພັກ, ເລຂາພັກແຂວງ ເຈົ້າແຂວງອຸດົມໄຊ ພ້ອມດ້ວຍຄອບຄົວໄດລົງຢ້ຽມຢາມປະຊາຊົນທີ່ໄດ້ຮັບເຄາະ ຮ້າຍຖືກໄຟໄໝ້ເຮືອນ ທີ່ບ້ານດອນຄຳ ເມືອງຮຸນ ແຂວງອຸດົມໄຊ ໃນການລົງຢ້ຽມຢາມຄັ້ງນີ້ ດ້ວຍຄວາມເປັນຫ່ວງເປັນໃຍ່ປະຊາຊົນ ຄອບຄົວຂອງທ່ານກໍ່ໄດ້ນຳເອົາເຄື່ອງມາຊ່ວຍເຫຼືອຈຳນວນໜຶ່ງມີເຂົ້າສານ, ໄຂ່ໄກ່, ອຸປະກອນການຮຽນ ແລະ ອາຫານແຫ້ງຈຳນວນໜຶ່ງ ລວມມູນຄ່າ 2900000 ກີບ (ສອງລ້ານເກົ້າແສນກີບແລະເງິນສົດ 1,000,000 ກີບ (ໜຶ່ງລ້ານກີບຖ້ວນ).  ຕ່າງໜ້າຮັບໂດຍແມ່ນປະຊາຊົນຜູ້ທີ່ບ້ານດອນຄຳ ເຖີງຢ່າງໃດກໍ່ຕາມການຊ່ວຍເຫຼືອຈາກສັງຄົມກໍ່ຍັງບໍ່ທັນພຽງພໍເປັນຕົ້ນແມ່ນ ໄມ້, ດິນບ໋ອກ, ຊາຍ, ແລະສັງກະສີ ດັ່ງນັ້ນອຳນາດການປົກຄອງແຂວງ, ເມືອງ ກໍ່ຄືປະຊາຊົນບ້ານດອນຄຳ ຈິ່ງຂໍຮ້ອງເຖີງບັນດາບໍລິສັດ, ນັກທຸລະກິດ, ພໍ່ຄ້າແມ່ຄ້າຊາວຂາຍ, ແລະບຸກຄົນທີ່ໃຈສັດທາ ໃຫ້ການຊ່ວຍເຫຼືອອີກຕື່ມ

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com