ພາຍຫຼັງທີທ່ານ ອາຊາງ ລາວລີ ຄະນະທີປຶກສາສູນກາພັກ ພ້ອມດ້ວຍຄະນະໄດ້ເດີນທາງມາເຖີງໃນຕອນບ່າຍວັນທີ 21 ທັນວາ 2016. ມາໃນຕອນເຊົ້າຂອງວັນທີ 22 ທັນວາ 2016 ນີ້ທີ່ຫ້ອງວ່າການປົກຄອງແຂວງອຸດົມໄຊ  ທ່ານ ອາຊາງ ລາວລີ ຄະນະທີປຶກສາສູນກາພັກ ພ້ອມດ້ວຍຄະນະກໍໄດ້ເຂົ້າພົບປະໂອ້ລົມກັບຄະນະພັກ, ອົງການປົກຄອງແຂວງອຸດົມໄຊ ໂດຍມີທ່ານ ເພັດສາຄອນ ຫຼວງອາໄພ ກຳມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ມີຄະນະປະຈຳພັກແຂວງ, ກຳມະການພັກແຂວງ, ຫົວໜ້າ-ຮອງຫົວໜ້າພະແນກການ-ອົງການ,ສອງກອງບັນຊາການທະຫານ-ຕຳຫຼວດ, ຕະຫຼອດຮອດຂະແໜງການອ້ອມຂ້າງແຂວງເຂົ້າຮ່ວມ. ໃນການພົບປະໂອ້ລົມກັບຄະນະພັກອົງການປົກຄອງຂອງແຂວງອຸດົມໄຊຄັ້ງນີ້ ກ່ອນອື່ໝົດທ່ານກໍໄດ້ຮັບຟັງການລາຍງານສະພາບທີ່ພົ້ນເດັ່ນຂອງການພັດທະນາເສດຖະກິດ-ສັງຄົມ ແລະ ວຽກງານກໍສ້າງຮາກຖານການເມືອງຂອງແຂວງອຸດົມໄຊໃນສົກປີ 2015-2016 ທີ່ໄດ້ໃຫ້ຮູ້ເຖີງຜົນງານທີ່ພົ້ນເດັ່ນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ວຽກງານກໍ່ສ້າງຮາກຖານການເມືອງຂອງແຂວງໃນໄລຍະ 1 ປີຜ່ານມາ ພ້ອມທັງໄດ້ໃຫ້ຮູ້ເຖີງດ້ານອ່ອນຂໍ້ຄົງຄ້າງຈຳນວນໜື່ງ ທີ່ຈະສືບຕໍ່ໃນການແກ້ໄຂ. ໂອກດນີ້ກໍໄດ້ຮັບຟັງໂອ້ລົມຂອງທ່ານ ອາຊາງ ລາວລີ ຄະນະທີ່ປຶກສາສູນກາງພັກ ເຊີ່ງກ່ອນອື່ນໝົດທ່ານກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ພົ້ນເດັ່ນທີ່ແຂວງອຸດົມໄຊຍາດໄດ້ໃນປີຜ່ານມາ ພ້ອມທັງໄດ້ມີບາງຄຳຄິດຄຳເຫັນຊີ້ນຳຕໍ່ກັບການພັດທະນາເສດຖະກິດ-ສັງຄົມ ທີ່ສຳຄັນແມ່ນການກຳນົດການລົງທຶນ ໂດຍາະເພາະແມ່ນການປັບປຸງຊີວິດການເປັນຢູ່ຂອງປະຊາຊົນ ດ້ວຍການຊຸກຍູ້ສົ່ງເສີ່ມການປູກ-ການລ້ຽງ ຕາມເງື່ອນໄຂເພື່ອສ້າງອາຊີບ ສ້າງວຽກເຮັດງານທຳ ພ້ອມທັງສະໜອງສິນເຊື່ອຕາມເງື່ອນໄຂ ແລະ ຄວາມຕ້ອງການຂອງຊາວກະສິກອນໃຫ້ໄດ້ຮັບໝາກຜົນ ໃນນັ້ນກະສິກຳແມ່ນໃຫ້ເອົາຈໃສຕິດຕາມຊ່ວຍເຫຼືອຜູ້ຜະລິດ ເພື່ອໃຫ້ຜົນຜະລິດໄດ້ຮັບໝາກຜົນ ທັງເປັນການປ້ອງກັນບັນຫາຕາງໆທີ່ຈະເປັນຜົນກະທົບຕໍ່ການຜະລິດ ບໍ່ວ່າຈະເປັນການປູກ-ການລ້ຽງກໍເຊັນດຽວກັນ, ນອກຈາກນີ້ກໍແມ່ນການຫັນລົງຮາກຖານການເມືອງ ສຶກສາອົບຮົມການເມືອງແນວຄິດ ໃຫ້ພໍ່ແມ່ປະຊາຊົນຢູ່ຮາກຖານ ໃຫ້ມີຄວາມຕື່ນຕົວທາງດ້ານການເມືອງ ເປັນເຈົ້າການໃນການພັດທະນາເສດຖະກິດ, ດ້ານການທ່ອງທ່ຽວກໍໃຫ້ເອົາຈໃສໃນການພັດທະນາ ສ້າງການທ່ອງທ່ຽວໃຫ້ເປັນລະບົບຄົບຊຸດ ມີເອກະລັກ ແລະ ປັບປຸງສະຖານທີ່ການບໍລິການໃຫ້ມີຄວາມສະອາດ ວ່ອງໄວ. ດ້ານການສຶກສາກໍໃຫ້ມີການປຽນແປງໃໝ່ ສ້າງຈິດສຳນຶກຫັນປຽນທາງຈິດຕະນາການ ເພື່ອສ້າງໃຫ້ມີອາຊີບ ສ້າງລາຍຮັບໃຫ້ຄອບຄົວ. ດ້ານວຽກງານສາມສ້າງກໍໃຫ້ສືບຕໍ່ຍົກລະດັບ ດ້ວຍການສ້າງເສັ້ນທາງ ໄຟ້າ ນ້ຳປະປາ ຕະຫຼາດ ໂຮງຮຽນ ແລະ ສຸກສາລາ, ສ້າງໃຫ້ມີການບໍລິການໃນດ້ານຕ່າງໆ. ສຳລັບວຽກງານກໍ່ສ້າງຮາກຖານການເມືອງ ແມ່ນໃຫ້ສືບຕໍ່ຈັດຕັ້ງປະຕິບັດຕາມຍຸດທະສາດ ໃນນັ້ນບັນດາຂະແໜງການແມ່ນໃຫ້ຈັດຕັ້ງປະຕິບັດຕາມຕາມຄວາມຮັບຜິດຊອບຂອງໃຜລາວ ປະຕິບັດຢ່າງມີຈຸດສຸມ ແລະ ເຮັດຢ່າງທົ່ວເຖີງ ໂດຍມອບໃຫ້ພະນັກງານໄປປະຈຳການຢູ່ທ້ອງຖິ່ນຮາກຖານເພື່ອຊ່ວຍເຫຼືອການປະຕິບັດວຽກງານຕົວຈິງຮ່ວມກັບປະຊາຊົນ ສ້າງຂະບວນການຜະລິດໃຫ້ເປັນສິນຄ້າ, ທາງດ້ານວັດທະນະທຳ-ສັງຄົມກໍໃຫ້ມີຂະບວນການທີ່ດີ ເຮັດໃຫ້ປະຊາຊົນມີຄວາມເບີກບານມ່ວນຊື່ນ.

 ທ່ານກ່າວຕື່ມວ່າເພື່ອເຮັດໃຫ້ການປະຕິບັດບັນດາວຽກງານໃຫ້ມີຜົນສຳເລັດທີ່ສຳຄັນກໍແມ່ນຄະນະພັກ ອົງການປົກຄອງແຂວງກໍໃຫ້ຖືສຳຄັນໃນການສ້າງຄວາມສາມັກຄີພາຍໃນພັກ ປະຕິບັດວຽກງານໃຫ້ໄປຕາມມະຕິທີ່ວາງອອກໃນແຕ່ລະເດືອນ ແຕ່ລະໄຕມາດ ແລະ ແຕ່ລະປີໃຫ້ມີຜົນສຳເລັດ.

 

ຂ່າວ: ສີຈັນ ເກດວົງສາ

 

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com