ໃນວັນທີ 19 ມັງກອນ 2017 ຢູ່ທີ່ສະໂມສອນກອງບັນຊາການທະຫານແຂວງອຸດົມໄຊ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມ ແລະ ຊີ້ນຳ ຕໍ່ພະນັກງານຫຼັກແຫຼ່ງພາຍໃນກອງບັນຊາການທະຫາແຂວງອຸດົມໄຊ.
ເຊິ່ງກ່ອນອື່ນ ທ່ານ ພົນຈັດຕະວາ ຈັນທະວອນ ໄຊຍະຜົງ ຄະນະປະຈຳພັກແຂວງ ເລຂາພັກ ຫົວໜ້າການທະຫານກອງບັນຊາການທະຫານແຂວງອຸດົມໄຊ ໄດ້ລາຍງານຫຍໍ້ ກ່ຽວກັບສະພາບການຊີ້ນຳ-ນຳພາ,ຈັດຕັ້ງປະຕິບັດໜ້າທີວຽກງານ ພາຍໃນກອງບັນຊາການທະຫານແຂວງອຸດົມໄຊ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ປອດໄພໂດຍພື້ນຖານ, ພະນັກງານ, ສະມາຊິກພັກ-ນັກຮົບຕະຫຼອດຮອດປະຊາຊົນບັນດາເຜົ່າພາຍໃນແຂວງອຸດົມໄຊ ມີຄວາມເຊື່ອໝັ້ນຕໍ່ການນຳພາຂອງພັກຕະ ຫຼອດໄລຍະທີ່ຜ່ານມາ.


ພ້ອມດຽວກັນນີ້ ທ່ານຮອງນາຍົກລັດຖະມົນຕີ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນສໍາເລັດ ທີ່ກອງບັນຊາການທະຫານແຂວງອຸດົມໄຊສາມາດຍາດມາໄດ້ ພ້ອມທັງເໜັ້ນໜັກໃຫ້ເອົາໃຈໃສ່ເປັນເຈົ້າການໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, ໂດຍສະເພາະການແກ້ໄຂບັນຫາປະກົດການຫຍໍ້ທໍ້ຕ່າງໆ, ສືບຕໍ່ລົງກໍ່ສ້າງຮາກຖານການເມືອງ, ສ້າງບ້ານປ້ອມໝັ້ນສູ້ລົບຕິລຽນໂດຍຕິດພັນກັບວຽກງານ 3 ສ້າງເຮັດໃຫ້ສະພາບພາຍໃນແຂວງ, ທ້ອງຖີ່ນມີຄວາມສະຫງົບປອດໄພ 100%, ສືບຕໍ່ຮັກສາມູນເຊື້ອຄວາມສາມັກຄີ ລະຫວ່າງ ກອງທັບກັບປະຊາຊົນໃຫ້ຢືນຍົງທະນົງແກ່ນ, ພ້ອມກັນປະຕິບັດ 2 ໜ້າທີ່ຍຸດທະສາດຄື ປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນກ້າວໜ້າຂື້ນເທື່ອລະກ້າວ. ໃນໂອກາດດັ່ງກ່າວ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ກໍ່ໄດ້ນຳເອົາເງີນສົດ ຈຳນວນ 20 ລ້ານກີບມອບໃຫ້ກອງບັນຊາການທະຫານແຂວງດັ່ງກ່າວອີກ.

ຂອບໃຈ: https://www.facebook.com/profile.php?id=100010898682890&ref=br_rs

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com