ວັນທີ 26 ມັງກອນ 2017 ທ່ານ ເພັດສາຄອນ ຫຼວງອາໄພ ເລຂາພັກແຂວງ, ເຈົ້າແຂວງໆອຸດົມໄຊ ພ້ອມດ້ວຍຄະນະ ລົງເຮັດວຽກຢູ່ເມືອງຮຸນ ການລົງເຮັດວຽກຄັ້ງນີ້ແມ່ນ ໂອ້ລົມຄະນະພັກເມືອງຮຸນ, ພະນັກງານຫຼັກແຫຼ່ງຂອງເມືອງ ແລະກໍ່ໄດ້ມອບເຄື່ອງຊ່ວຍເຫຼືອ ເປັນຊຸດນັກຮຽນ, ອຸປະກອນການຮຽນ ແລະເຄື່ອງໃຊ້ຈຳນວນໜຶ່ງ ລວມມູນຄ່າ 6,160,000 ກີບ (ຫົກລ້ານໜຶ່ງແສນຫົກສິບພັນກີບ.) ແລະຢ້ຽມຢາມກອງບັນຊາການທະຫານເມືອງຮຸນພ້ອມມອບເຄື່ອງຊ່ວຍເຫຼືອເປັນເຂົ້າສານ ແລະອາຫານແຫ້ງຈຳນວນໜຶ່ງ.

ຕອນບ່າຍທ່ານ ເພັດສາຄອນ ຫຼວງອາໄພ ເລຂາພັກແຂວງ, ເຈົ້າແຂວງໆອຸດົມໄຊ ພ້ອມດ້ວຍຄະນະ ກໍ່ສືບຕໍ່ລົງຢ້ຽມຢາມ ການລ້ຽງງົວຂອງປະຊາຊົນເຂດບ້ານສົມພອນ, ຢ້ຽມຢາມທະຫານກອງພົນທີ3 ທີ່ຢູ່ສູນສະໜາມຝຶກຊອມທີ່ຫາກໍ່ສ້າງຂື້ນໃໝ່ ພ້ອມນັ້ນກໍ່ໂອ້ລົມປະຊາຊົນ3 ບ້ານຄື: ບ້ານນ້ຳອຸ່ນ, ບ້ານແຟນ ແລະບ້ານຈັນໄຕ ທີ່ມີເນື້ອທີ່ດິນຖືກເຂດສະໜາມຝຶກຊອມ ໃຫ້ເຂົ້າໃຈກ່ຽວກັບໂຄງການກໍ່ສ້າງສະໜາມຝຶກຊອມ ແລະໃຫ້ມີການຮ່ວມມືເປັນຢ່າງດີ.

 

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com