ໃນລະຫວ່າງວັນທີ 15-16 ກຸມພາ 2018 ນີ້ ພະນະທານ ບຸນຍັງ ວໍລະຈິດ ເລຂາ ທິການໃຫຍ່ ປະທານປະເທດ ແຫ່ງສປປລາວ ພ້ອມຄະນະ ໄດ້ເດີນທາງມາເຄື່ອນໄຫວຢ້ຽມຢາມແລະເຮັດວຽກຢູ່ທີ່ແຂວງອຸດົມໄຊ ໂດຍໄດ້ຮັບການຕ້ອນຮັບຈາກທ່ານ ເພັດສາ ຄອນ ຫຼວງອາໄພ ເຈົ້າແຂວງອຸດົມໄຊ ພ້ອມດ້ວຍການນຳຂອງແຂວງ.

  ການເຄື່ອນໄຫວຢ້ຽມຢາມ ແລະ ເຮັດວຽກຢູ່ທີ່ແຂວງອຸດົມໄຊ ຂອງທ່ານ ບຸນຍັງ ວໍ ລະຈິດ ເລຂາ ທິການໃຫຍ່ ປະທານປະເທດ ແຫ່ງສປປລາວ ໃນຄັ້ງນີ້ ກໍເພື່ອພົບປະໂອ້ລົມ,ຢ້ຽມຢາມຖາມຂ່າວ ຄວາມທຸກສຸກຂອງພະນັກງານຫຼັກແຫຼ່ງ,ການນຳແຂວງ ກໍຄື ບັນດາພໍ່ແມ່ປະຊາຊົນບັນດາເຜົ່າ ໃນທົ່ວແຂວງອຸດົມໄຊ ລວມທັງ ການເຄື່ອນໄຫວຊີ້ນຳ ນຳພາຂອງບັນດາການນຳແຕ່ລະຂັ້ນຂອງແຂວງ ກ່ຽວກັບວຽກງານການພັດທະນາເສດ ຖະກິດ ສັງຄົມ ໃນຕະຫຼອດໄລຍະທີ່ຜ່ານມາ ເພື່ອເປັນຂໍ້ມູນບ່ອນອີງສຳຄັນ ໃນການຊອກຫາວິທາງທາງປັບປຸງແກ້ໄຂໃຈຕໍ່ໜ້າ ຕໍ່ກັບບາງບັນຫາທີ່ກົດໜ່ວງທ່ວງດຶງ ເຮັດໃຫ້ການພັດທະນາເສດຖະກິດ ສັງຄົມຂອງແຂວງຫຍາຍຕົວຊັກຊ້າ ແລະ ເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົນ ບໍ່ໄດ້ຮັບການພັດທະນາ. ໃນນັ້ນ ທ່ານ ໄດ້ພົບປະໂອ້ລົມສະເພາະ ພະນັກງານພາຍໃນ ສະຫະພັນນັກຮົບເກົ່າຂອງແຂວງ ຢູ່ທີ່ຫ້ອງວ່າການປົກຄອງແຂວງອຸດົມໄຊ ພ້ອມທັງນໍາເອົາລົດຈັກເວບ100 ຍີ່ຫໍ້ ຮອນດ້າ ຈຳນວນ 8 ຄັນມອບໃຫ້ກັບສະຫະພັນນັກຮົບເກົ່າແຂວງ ແລະ ບັນດາເມືອງ 7 ເມືອງ ລວມເປັນ ມູຸນຄ່າທັງໝົດ92 ລ້ານກີບ ເພື່ອນໍໃຊ້ເຂົ້າໃນການເຄື່ອນໄຫວວຽກງານຂອງຕົນໃຫ້ມີຄວາມສະດວກສະບາຍ ແລະ ວ່ອງໄວຂຶ້ນກວ່າເກົ່າ. ນອກນັ້ນ ຍັງໄດ້ໃຫ້ກຽດໂອ້ລົມ ບັນດາພະນັກງານຫຼັກແຫຼ່ງ ທົ່ວເທດສະບານແຂວງ ຢູ່ທີ່ສະໂມສອນໃຫຍ່ຂອງແຂວງ ເພື່ອຮັບຟັງການລາຍງານສະພາບລວມ ກ່ຽວກັບການຈັດຕັ້ງປະຕິບັດວຽກງານຂອງຄະ ນະນຳຂອງແຂວງ ໃນການຊີ້ນຳ ນຳພາ ປະຊາຊົນບັນດາເຜົ່າ ຕະຫຼອດໄລຍະຜ່ານມາ ທັງເປັນການຊີ້ນໍາບາງວຽກງານໃນການສືບຕໍ່ເຄື່ອນໄຫວຈັດຕັ້ງປະຕິບັດວຽກງານ ເພື່ອເຮັດໃຫ້ແຂວງອຸດົມໄຊ ໄດ້ຮັບການພັດທະນາຢ່າງຕໍ່ເນື່ອງ ແລະ ໄປຕາມທິດທາງແຜນການລວມຂອງພັກ ແລະ ລະບຽບກົດໝາຍຂອງລັດ.

   ພາຍຫຼັງສໍາເລັດການເຄື່ອນ ໄຫວຢ້ຽມຢາມແລະເຮັດວຽກຢູ່ທີ່ແຂວງອຸດົມໄຊ ແລ້ວ ທ່ານ ບຸນຍັງ ວໍລະຈິດ ເລຂາທິ ການໃຫຍ່ ປະທານປະເທດ ແຫ່ງສປປລາວ ພ້ອມຄະນະໄດ້ເດີນທາງອອກຈາກແຂວງອຸດົມໄຊ ເພື່ອສືບຕໍ່ເຄື່ອນໄຫວຢ້ຽມຢາມແລະເຮັດວຽກຢູ່ບັນດາແຂວງພາກເໜືອ ໃນຕອນເຊົ້າວັນທີ 16 ກຸມພາ 2018 ເຊິ່ງມີບັນດາການນຳຂອງແຂວງ ນໍາໂດຍທ່ານ ເພັດສາຄອນ ຫຼວງອາໄພ ເຈົ້າແຂວງອຸດົມໄຊ ພ້ອມດ້ວຍຄະນະ ນໍາສົ່ງຢູ່ທີ່ສະໜາມບິນແຂວງອຸດົມໄຊ ພ້ອມທັງກ່າວຄໍາອວຍ ພອນໃຫ້ແກ່ທ່ານ ປະທານປະເທດ ພ້ອມດ້ວຍຄະນະຈົ່ງເດີນທາງດ້ວຍຄວາມສະຫວັດດີພາບ.

ຂ່າວ: ຄານມະນີ ຮຽນດໍຈັນ

 

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com