ພິທີເປີດໂຄງການກໍ່ສ້າງເຈາະມົງ ໂຄງການກໍ່ສ້າງເສັ້ນທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ ໄດ້ເປີດຂື້ນຢ່າງເປັນທາງການ ໃນຕອນເຊົ້າຂອງວັນທີ່ 6 ເມສາ 2017 ນີ້ທີ່ ສະໜາມພູວັດ ບ້ານທ້ຽວ ເມືອງໄຊ ແຂວງອຸດົມໄຊ ເປັນກຽດເຂົ້າຮ່ວມ ມີທ່ານ ເພັດສາຄອນ ຫຼວງອາໄພ ກຳມະການສູນກາງພັກ ເລຂາພັກແຂວງ ເຈົ້າແຂວງໆອຸດົມໄຊ, ມີທ່ານ ໜີ່ປ່າກວາງ ກົງສູນໃຫຍ່ ແຫ່ງ ສປ ຈີນ ປະຈຳແຂວງຫຼວງພະບາງ, ມີທ່ານ ປໍທອງ ໂງ່ນພະຈັນ ຮອງຫົວໜ້າກົມຂົວທາງ ຮອງຫົວໜ້າໂຄງການກໍ່ສ້າງທາງລົດໄຟລາວ-ຈີນ (ຈາກບໍ່ເຕັ່ນເຖີງນະຄອນຫຼວງວຽງຈັນ) ທັງເປັນຜູ້ຕາງໜ້າກະຊວງ ໂຍທາທິການ ແລະ ຂົນສົ່ງ, ມີບັນດາສະມາຊິກສະພາ, ມີບັນດາການນຳຂັ້ນແຂວງ, ເມືອງ, ຄະນະພະແນກອ້ອມຂ້າງແຂວງ, ອົງການປົກຄອງບ້ານ, ຕາງຫນ້າບໍລິສັດກໍ່ສ້າງຊ່ວງຜ່ານແຂວງອຸດົມໄຊ  ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

   ພິທີໄດ້ເລີ່ມຈາກການທໍາພິທີທາງສາດສະໜາ ຕາມຮິດຄອງປະເພນີ ຂອງລາວ ກໍ່ຄືຊາວພຸດສະນິກະຊົນທັງຫຼາຍທີ່ໄດ້ປະຕິບັດກັນມາແຕ່ດົນນານ ເພື່ອໃຫ້ການກໍ່ສ້າງໂຄງການດັ່ງກ່າວໃຫ້ດຳເນີນໄປດ້ວຍດີ ປາສະຈາກອຸປະສັກນາໆປະການທີາຈະເກີດຂື້ນກັບອ້າຍນ້ອງພະນັກງານທີ່ປະຕິບັດໜ້າທີາຕົວຈີງ, ພິທີຍັງໄດ້ຮັບຊົມການສະແດງສີລະປະວັນນະຄະດີຈາກກອງສີລະປະກອນແຂວງ ເພື່ອເປັນການຊົມເຊີຍ ແລະ ຍີນດີກັບພິທີດັ່ງກ່າວຕື່ມອີກ, ຈາກນັ້ນທ່ານ ສົມຈິດ ປັນຍາສັກ ຮອງເຈົ້າແຂວງໆອຸດົມໄຊ ກໍ່ໄດ້ຂື້ນມີຄວສາມຄຳເຫັນ ທ່ານໄດ້ຍົກໃຫ້ເຫກັນປະຫວັດຄວາມເປັນມາຂອງໂຄງການກໍ່ສ້າງກໍ່ສ້າງທາງລົດໄຟລາວ-ຈີນ, ດ້ານການລົງທືນ ລັດຖະບານລາວໄດ້ກູ້ຢືມດ້ວຍອັດຕາດອກເບ້ຍຕໍ່າໃນອັດຕາ 2,3 ເປີເຊັນ ແລະ ຝ່າຍຈີນຖືຫຸ້ນ 70ເປີເຊັນ,ຝ່າຍລາວເຮົາຖືຫຸ້ນ 30ເປີເຊັນ,ດ້ານການຄຸ້ມຄອງຂອງແຂວງອຸດົມໄຊ ແລວທາງທີ່ແລ່ນຜ່ານແຂວງອຸດົມໄຊມີຄວາມຍາວທັງໝົດ 126,6 ກມ,ກວມເອົາ 30,6 ເປີເຊັນ ໃນນັ້ນກວມເອົາ 3 ສັນຍາການກໍ່ສ້າງຄື,ສັນຍາທີ່ໜື່ງ ແມ່ນເລີ້ມແຕ່ກິໂລແມັດທີ່16ບອກ900 ຫາ ກິໂລແມັດ 68+730 (ຍາວ 51,83ກມ)ແມ່ນບໍລິສັດວິສະວະກໍາທາງລົດໄຟເລກ 5 ເປັນຜູ້ຮັບເໝົາ, ສັນຍາທີ່ສອງແມ່ນເລີ້ມແຕ່ ກມ ທີ່68+730 ຫາ ກມ 137+580 (ຍາວ68.85ກມ) ແມ່ນບໍລິສັດບໍລິສັດວິສະວະກຳສາກົນເປັນຜູ້ຮັບເໝົາ ແລະ ສັນຍາທີ່3 ແມ່ນເລີ້ມແຕ່ ກມ ທີ່137+580 ຫາ ກມ 143+500 (ຍາວ 5,92 ກມ) ໂດຍແມ່ນບໍລິສັດວິສະວະກໍາທາງລົດໄຟເລກ 8ເປັນຜູ້ຮັບເໝົາ, ໃນນີ້ລວມມີຂົວ57ແຫ່ງ,ມີຄວາມຍາວທັງໝົດ 12,69ກມ,ອຸມົງມີ 34ຈຸດມີຄວາມວຍາວທັງໝົດ 75,72 ກມ,ມີສະຖານີ 9 ສະຖານນີໃນນີ້ຢູ່ເມືອງນາໝໍ້ມີສອງຈຸດ,ຢູ່ເມືອງງາມີ 4 ຈຸດ ແລະ ເມືອງໄຊ 3 ຈຸດ ແລະ ສາມາດມອບສະໜາມໃຫ້ແກ່ຜູ້ຮັບເໝົາໄດ້ທັງໝົດ 14 ຈຸດ, ຈາກທັງໝົດ 19 ຈຸດ, ຈຸດຕັ້ງແຄ້ມ 21 ຈຸດ,ຈຸດຕັ້ງສາງລະເບີດ 6 ຈຸດ,ຈຸດຖີ້ມດີນມີ 20 ຈຸດ, ນອກນີ້ຍັງໄດ້ຮັບຟັງການມີຄວາມເຫັນຂອງຕາງໜ້າບໍລິສັດຜູ້ຮັບເໝົາ ເຊີ່ງທາງບໍລິສັດໃຫ້ໃຫ້ປະຕິບານວ່າຈະປະຕິບັດໂຄງການນີ້ໃຫ້ດີ ແລະ ມີປະສິດທີ່ພາບ ໃສ່ໃຈຄວາມປອດໄພ ແລະ ສີ່ງແວດລ້ອມ,ພາຍຫຼັງສຳເລັດພີທີທາງການແລ້ວ ທັງສອງຝ່າຍກໍ່ໄດ້ຮ່ວມກັນຕັດແຖບຜ້າ ພ້ອມທັງລັ່ນຄ້ອງ 9 ບາດ ເພື່ອເປັນສັນຍານໃຫ້ແກ່ການເປີດໂຄງການດັ່ງກ່າວ.

ຂ່າວ: ແສງອາທິດ

ຫົວຂໍ້ທີ່ກ່ຽວຂ້ອງ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com