ຕິດຕໍ່ສອບຖາມ
Tel/Fax: 081 312109, email: odx_gv04@yahoo.com
 
 

ຂ່າວໃໝ

ພິທີປະດັບຫຼຽນກຽດຕິຄຸນກອງທັບປະຊາຊົນລາວໃຫ້ແກ່ອາດີດນາຍທະຫານກອງທັບປະຊາຊົນລາວ ທີ່ພັກຜ່ອນບຳນານຢູ່ ສະຫະພັນນັກຮົບເກົ່າແຂວງອຸດົມໄຊ, ໄດ້ໄຂຂື້ນໃນຕອນເຊົ້າຂອງວັນທີ່ 18 ກໍລະກົດ ນີ້ ທີ່ຫ້ອງປະຊຸມພະແນກພາຍໃນ,ໂດຍການເປັນປະທານຂອງທ່ານ ໂອວາດ ຈັນທະວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງອຸດົມໄຊ, ມີທ່ານ ພັນໂທ ສົມພັນ ມະນີພັນ ປະທານ ສະຫະພັນນັກຮົບເກົ່າແຂວງອຸດົມໄຊ, ມີແຂກເຊີນທຸກພາກສ່ວນທີ່ກ່ຽວຂ້ອງ ແລະ ອາດິດນາຍທະຫານກອງທັບປະຊາຊົນລາວເຂົ້າຮ່ວມທັງຫມົດ 20 ກວ່າທ່ານ.

ເພື່ອເປັນການຮູ້ບຸນຄຸນຜົນງານຄວາມດີ ຕໍ່ກັບນັກຮົບເກົ່າ, ກໍຄືອາດິດນາຍທະຫານກອງທັບປະຊາຊົນລາວພາຍໃນແຂວງອຸດົມ ແລະ ທັງເປັນການຈາລຶກຄຸນງາມຄວາມດີຂອງບັນດາທ່ານດັ່ງກ່າວນີ້ໄວ້ ສະນັ້ນຈິ່ງໄດ້ຈັດພິທີປະດັບຫຼຽນກຽດຕິຄຸນຂື້ນຢ່າງເປັນທາງການ ເຊີ່ງລວມທັງຫມົດ 14 ທ່ານ ທີ່ມາຈາກສະຫະພັນນັກຮົບເກົ່າແຂວງ, ເມືອງນາຫມໍ້, ເມືອງປາກແບງ, ເມືອງແບງ, ເມືອງຮຸນ ແລະ ປະທານຫນ່ວຍນັກຮົບເກົ່າບ້ານໂຮມສຸກ , ນາສາວ, ນາໝີ, ບ້ານຖີ່ນ, ບ້ານຫນອງແມງດາ, ບ້ານດອນແກ້ວ, ບ້ານທ້ຽວ, ໃຫ້ກຽດປະດັບຫຼຽນຄັ້ງນີ້ໂດຍແມ່ນທ່ານ ໂອວາດ ຈັນທະວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ມອບຢ່າງສົມກຽດ, ພ້ອມທັງໂອ້ລົມຕໍ່ກັບບັນດາອາດິດນັກຮົບເກົ່າ ທ່ານ ໄດ້ຍົກສູງຄວາມຫມາຍຄວາມສຳຄັນຂອງວຽກງານການປະຕິວັດ ໂດຍສະເພາະແມ່ນ ບັນດາທ່ານນັກຮົບເກົ່າ ອາດິດນາຍທະຫານທີ່ໄດ້ສຸມທຸກເຫື່ອແຮງເຂົ້າໃນວຽກງານປ້ອງກັນຊາດປ້ອງກັນຄວາມສະຫງົບໄດ້ດີຕະຫລອດມາ, ພ້ອມທັງໄດ້ຍົກໃຫ້ເຫັນການນຳພາຂອງພັກ-ລັດໃນປະຈຸບັນ ໂດຍສະເພາະແມ່ນການຜັນຂະຫຍາຍມະຕິຂອງພັກ ໃຫ້ເປັນຮູບປະທຳ, ເນື້ອໃນ 4 ບຸກທະລຸຂອງພັກທີ່ໄດ້ວາງອອກໃຫ້ແກ່ບັນດາອາດິດນັກຮົບເກົ່າຕື່ມອິກ.

 

ພາບ-ຂ່າວ: ແສງອາທິດ

ຫົວຂໍ້ທີ່ກ່ຽວຂ້ອງ

ແຂວງອຸດົມໄຊ ເມືອງແຫ່ງ ສະເໜ່

ແຫຼງທ່ອງທ່ຽວ

ສະຖິຕິການເຂົ້າຊົມເວັບໄຊ



© 2016 ສະຫງວນລິຂະສິດຫ້ອງວ່າການປົກຄອງແຂວງອຸດົມໄຊ
ຕັ້ງຢູ່ ບ້ານພູຂຽວ ເມືອງໄຊ ແຂວງອຸດົມໄຊ, ໂທ/ແຟັກ: (856-81) 312109,email: odx_gv04@yahoo.com